లోడ్ అవుతోంది...
Ganesh sunkari
National | Jan 15, 2026, 12.25 pm IST
త్రినేత్ర.న్యూస్: కేరళలోని (Kerala) కొల్లాంలో విషాదం చోటుచేసుకుంది. కొల్లంలో (Kollam) ఉన్న స్పోర్ట్స్ అథారిటీ ఆఫ్ ఇండియా (SAI) హాస్టల్లో ఇద్దరు ట్రైనీ బాలికలు (Sports Trainees) బలవన్మరణానికి పాల్పడ్డారు.
కోజికోడ్కు చెందిన యువతి (17) స్పోర్ట్ అథారిటీ హాస్టల్ ఉంటూ అథ్లెటిక్స్లో శిక్షణ పొందుతున్నది. ఆమె ప్రస్తుతం 12వ తరగతి చదువుతున్నది. కబడ్డీ ప్లేయర్ అయిన మరో బాలిక (15) 10వ తరగతి అభ్యసిస్తున్నది. వేర్వేరు గదుల్లో ఉండే వీరిద్దరూ.. గురువారం ఉదయం 5 గంటలకు ట్రైనింగ్ సెషన్కు రాకపోవడంతో.. తోటి విద్యార్థులు వారిని నిద్ర లేపేందుకు వెళ్లారు. అయితే ఎంతకూ తలుపులు తెరవక పోవడంతో హాస్టల్ అధికారులకు సమాచారం అందించారు. దీంతో వారు తలుపులు బద్దలుకొట్టి చూడగా.. ఇద్దరూ ఒకే గదిలో ఉరివేసుకుని విగతజీవులుగా ఉన్నారు.
సమాచారం అందుకున్న పోలీసులు ఘటనా స్థలానికి చేరుకుని మృతదేహాలను స్వాధీనం చేసుకున్నారు. పోస్టుమార్టం నిమిత్తం దవాఖానకు తరలించారు. బాలికల మృతికి గల కారణాలు ఇంకా తెలియరాలేదని పోలీసులు వెల్లడించారు. ఈ ఘటనపై కేసు నమోదు చేసి దర్యాప్తు చేపట్టారు.
జనవరి 13, 2026
జనవరి 9, 2026
జనవరి 8, 2026
Developed & Published by TRINETHRA MEDIA HOUSE PVT. LTD,
Sai Madhu Towers, Plot No. 17, Rohini Layout Rd, Jaihind Enclave, Madhapur, Hyderabad, Telangana 500081.
Copyright © 2025 . All rights reserved. - Powered by : Veegam