Mumbai | 18 ఏళ్ల చిన్నారిని ఆరో అంత‌స్తు నుంచి తోసేసిన 10 ఏళ్ల బాలిక‌

Mumbai | త్రినేత్ర న్యూస్ : ఓ 10 ఏళ్ల బాలిక‌.. 18 నెల‌ల చిన్నారిని ఆరో అంత‌స్తు నుంచి కింద‌కు తోసేసింది. ఈ విషాద ఘ‌ట‌న మ‌హారాష్ట్ర రాజ‌ధాని ముంబైలోని గోరెగావ్ ప్రాంతంలో చోటు చేసుకుంది. చిన్నారి త‌ల్లిదండ్రులు గుండెల‌విసేలా రోదించిన తీరు స్థానికుల‌ను క‌లిచివేసింది.

గోరెగావ్ ఏరియాలో బుధ‌వారం రాత్రి స‌మ‌యంలో 18 నెల‌ల చిన్నారిని 10 ఏళ్ల బాలిక తీసుకుని ఆరో అంత‌స్తుకు వెళ్లింది. ఇక అక్క‌డ్నుంచి చిన్నారిని కింద‌కు తోసేసింది. అనంత‌రం బాలిక మెట్ల‌పై నుంచి ప‌రుగెత్తుకుంటూ కింద‌కు వ‌చ్చింది. ఈ దృశ్యాలు స్థానికంగా ఉన్న సీసీటీవీ కెమెరాల్లో రికార్డు అయ్యాయి.

చిన్నారి మృతిపై త‌ల్లిదండ్రులు పోలీసుల‌కు ఫిర్యాదు చేయ‌గా కేసు న‌మోదు చేసి ద‌ర్యాప్తు చేప‌ట్టారు. పాప‌ను హ‌త్య చేసిన బాలిక‌తో పాటు ఆమె త‌ల్లిని పోలీసులు అదుపులోకి తీసుకున్నారు. పిల్లి విష‌యంలో ఇరు కుటుంబాల మ‌ధ్య గొడ‌వ‌లు జ‌ర‌గ్గా, ప్ర‌తీకారంగా చిన్నారిని బ‌లి తీసుకున్న‌ట్లు పోలీసుల ప్రాథ‌మిక విచార‌ణ‌లో తేలింది. అయితే ఈ ఘటనకు అసలు కారణమేంటనే దానిపై దర్యాప్తు జరుగుతోందని పోలీసులు వెల్లడించారు.