Prabhas | ముంబైలో షూటింగ్ అయితే.. చెన్నై నుంచి ఫుడ్ ఆర్డ‌ర్ చేసుకున్న ప్ర‌భాస్‌.. ఫ్లైట్‌లో డెలివ‌రీ

Prabhas | పాన్ ఇండియా స్థార్ ప్ర‌భాస్ (Prabhas)కు ఫుడ్ అంటే ఎంత ఇష్ట‌మో ప్ర‌త్యేకించి చెప్పాల్సిన అవ‌స‌రం లేదు. షూటింగ్ స‌మ‌యంలో ఇంటి నుంచి ప్ర‌భాస్‌కు పెద్ద క్యారేజ్ వ‌స్తుంది. అది కేవ‌లం ఈ స్టార్ కోసం మాత్ర‌మే కాదండోయ్‌.. సెట్‌లో పనిచేసే వాళ్లంద‌రికీ ఇంటి భోజ‌నాన్నే తెప్పిస్తారు ప్ర‌భాస్‌. స్థానిక వంట‌కాల‌తోపాటూ అన్ని ర‌కాల వెరైటీస్‌ను ప్రిపేర్ చేయించి.. స‌హ న‌టుల‌కు పంపిస్తుంటారు. షూటింగ్ లొకేష‌న్స్‌కే కాదు.. న‌టుల ఇళ్ల‌కు కూడా ప్ర‌భాస్ ఇంటి నుంచి క్యారేజీలు వెళ్తుంటాయి. ఈ నేప‌థ్యంలో ప్ర‌భాస్ తాజాగా ఓ ఆస‌క్తిక‌ర విష‌యాన్ని పంచుకున్నారు.

తాను వేరే స్టేట్స్ నుంచి కూడా ఫుడ్ ఆర్డ‌ర్ చేసుకుంటానంటూ షాకింగ్ విష‌యాన్ని బ‌య‌ట‌పెట్టారు. ప్రభాస్ నిర్మాణ సంస్థ UV Creations నిర్మించిన తాజా చిత్రానికి సంబంధించిన ‘కపుల్ ఫ్రెండ్లీ’ ప్రమోషన్స్‌లో భాగంగా మూవీ యూనిట్‌తో ప్రభాస్ చిట్‌చాట్ నిర్వ‌హించారు. ఈ సంద‌ర్భంగా ఆదిపురుష్ (Adipurush) షూటింగ్ స‌మ‌యంలో జ‌రిగిన ఓ ఆస‌క్తిక‌ర సంఘ‌ట‌న‌ను పంచుకున్నారు. ముంబైలో షూటింగ్ జ‌రుగుతున్న‌ప్పుడు త‌న‌కు చెన్నై ఫుడ్ (Chennai food) తినాల‌నిపించింద‌ని చెప్పారు. వెంట‌నే చెన్నైనుంచి ఫుడ్ ఆర్డ‌ర్ పెట్టుకున్న‌ట్లు వివ‌రించారు. ఫ్లైట్‌లో ఆర్డ‌ర్ వ‌చ్చింద‌ని.. అది చూసి సెట్‌లోని వారంతా ఒక్క‌సారిగా షాక్ అయిన‌ట్లు చెప్పుకొచ్చారు. ఫుడ్ తెచ్చిన వ్య‌క్తితోపాటూ, సెట్‌లోని వారంతా మీరు మామూలోడు కాదండి బాబూ అని అన్నార‌ని ప్ర‌భాస్ నాటి సంఘ‌ట‌న‌ను గుర్తు చేసుకున్నారు. ప్ర‌భాస్ కామెంట్స్ ప్ర‌స్తుతం వైరల్ అవుతున్నాయి.