VIROSH PREMIER LEAGUE | ఫుల్ జోష్‌లో విరోష్ పెళ్లి వేడుకలు.. విరోష్ ప్రీమియర్ లీగ్ పేరుతో రచ్చ

VIROSH PREMIER LEAGUE | విజయ్ దేవరకొండ, రష్మిక మందన్న.. ఇద్దరూ కలిసి నటించింది రెండు సినిమాల్లోనే అయినా వీళ్లిద్దరి మధ్య విడదీయరాని బంధం ఏర్పడింది. గీత గోవిందంతో ప్రారంభమైన రిలేషన్‌షిప్.. డియర్ కామ్రెడ్ ఫిక్స్ అయింది. క్రికెట్ నేపథ్యంలో వచ్చిన డియర్ కామ్రెడ్ మూవీని ఈసందర్భంగా తమ పెళ్లి వేడుకల్లో భాగంగా ఇరు ఫ్యామిలీలు గుర్తు చేసుకున్నట్లు తెలుస్తోంది. ఎందుకంటే.. తాజాగా విజయ్, రష్మిక ఇద్దరూ తమ ఇన్‌స్టా స్టోరీల్లో విరోష్ ప్రీమియర్ లీగ్ అని రాసి ఉన్న పలు వస్తువులను షేర్ చేశారు. ఫ్లాగ్స్, క్రికెట్ బాల్, క్రికెట్ బ్యాట్, మెడల్.. ఇలా అన్నింటి మీద విరోష్ ప్రీమియర్ లీగ్ అని రాసి దాని మీద తమ పెళ్లి తేదీ 26 ఫిబ్రవరి 2026ని ముద్రించారు. అంటే.. అమ్మాయి, అబ్బాయి తరుపు వాళ్లు కలిసి విరోష్ ప్రీమియర్ లీగ్‌లో భాగంగా క్రికెట్ ఆడినట్లు తెలుస్తోంది. ఈ లీగ్‌లో ఎవరు గెలిచారో తెలియదు కానీ.. వాళ్లు పెట్టిన స్టోరీలు మాత్రం క్షణాల్లో సోషల్ మీడియాలో వైరల్ అవుతున్నాయి.