Virosh | విరోష్‌ పెళ్లి సందడి.. పూల్ పార్టీతో వేడుకలు షురూ

Virosh | అంద‌రూ ఎంత‌గానో ఎదురుచూస్తున్న విజ‌య్ దేవ‌ర‌కొండ (Vijay Deverakonda), ర‌ష్మిక మంద‌న్న (Rashmika Mandanna) పెళ్లి వేడుక‌లు మొద‌ల‌య్యాయి. రాజస్థాన్ ఉదయ్‌పూర్‌లోని (Udaipur Wedding) ఐటీసీ మెమోంటోస్ హోట‌ల్‌లో వివాహ వేడుక‌లు ఆరంభ‌మ‌య్యాయి. పూల్ పార్టీ (pool party)తో వేడుక‌లు షురూ అయ్యాయి. త‌మ ఫ్రెండ్స్‌తో విజ‌య్ పూల్‌లో వాలీబాల్ ఆడుతున్న ఫొటోల‌ను రౌడీబాయ్ ఇన్‌స్టా స్టోరీస్‌లో షేర్ చేసుకున్నారు. ఇక నిన్న రాత్రి ఫ్రెండ్స్‌, ఫ్యామిలీ మెంబ‌ర్స్ కోసం క్యాండిల్‌లైట్ డిన్నర్ కూడా ఏర్పాటు చేశారు. పెళ్లి విందులో అతిథుల కోసం ప్రత్యేకంగా జపనీస్ వంటకాలను ఏర్పాటు చేసినట్టు రష్మిక తన ఇన్‌స్టాగ్రామ్ స్టోరీ ద్వారా పంచుకున్నారు. ప్ర‌స్తుతం ఈ ఫొటోలు వైర‌ల్ అవుతున్నాయి.

ఫిబ్ర‌వ‌రి 26న విజ‌య్‌, ర‌ష్మిక వివాహం జ‌రుగ‌నుంది. దీంతో మూడు రోజుల ముందే వీరిద్ద‌రు ఉద‌య్‌పూర్‌లో అడుగుపెట్టారు. సోమ‌వారం ఉద‌యం ఉద‌య్‌పూర్ బ‌య‌లుదేరుతూ హైద‌రాబాద్ ఎయిర్‌పోర్ట్‌లో విజ‌య్‌, ర‌ష్మిక క‌నిపించారు. ఫ్యామిలీ, ఫ్రెండ్స్‌తో క‌లిసి వీరు ఫ్లైట్ ఎక్కారు. ఉద‌య్‌పూర్ ఎయిర్‌పోర్ట్ నుంచి పోలీస్ సెక్యూరిటీ మ‌ధ్య వీరిద్ద‌రు హోట‌ల్‌కు చేరుకున్నారు. ఉద‌య్‌పూర్‌కు ఇర‌వై ఐదు కిలోమీట‌ర్ల దూరంలో అరావ‌ళి ప‌ర్వ‌త శ్రేణుల మ‌ధ్య యాభై ఏక‌రాల విస్తీర్ణంలో ఈ హోట‌ల్ ఉంటుంద‌ట‌. వివాహానికి కేవలం 50 మంది సన్నిహితులు మాత్రమే హాజరుకానున్నారు. సినిమా ఇండ‌స్ట్రీకి చెందిన ఓ ఒక్క‌రికీ ఇన్విటేష‌న్ లేదు. వివాహానంత‌రం మార్చి 4న హైదరాబాద్‌లో సినీ ప్రముఖులు, స్నేహితుల కోసం గ్రాండ్ రిసెప్షన్ ఏర్పాటు చేయనున్నారు.

మూడు కోట్ల వ‌ర‌కు..

విజ‌య్‌, ర‌ష్మిక త‌మ డెస్టినేష‌న్ వెడ్డింగ్ కోసం భారీగానే ఖ‌ర్చు చేస్తున్న‌ట్లు స‌మాచారం. వీరి పెళ్లికి కుటుంబ‌స‌భ్యులు, బంధువులు, స్నేహితులు క‌లిసి ఓ వంద మంది వ‌ర‌కు అటెండ్ కానున్న‌ట్లు స‌మాచారం. ఐటీసీ మెమోంటోస్‌లో వెడ్డింగ్ ప్యాకేజీలో కోటిన్న‌ర నుంచి రెండున్న‌ర కోట్ల మ‌ధ్య అందుబాటులో ఉన్నాయి. ఖ‌ర్చులు అద‌నం. విజ‌య్‌, ర‌ష్మిక త‌మ పెళ్లి కోసం మూడు నుంచి నాలుగు కోట్ల వ‌ర‌కు ఖ‌ర్చు చేయ‌బోతున్న‌ట్లు ప్ర‌చారం జ‌రుగుతోంది.