Revanth Reddy Sircilla Public Meeting | గులాబీ కోటలపై రేవంత్ దండయాత్ర: ఈనెల 30న సిరిసిల్లలో కాంగ్రెస్ భారీ సభ.. నెక్స్ట్ టార్గెట్ సిద్దిపేట
బీఆర్ఎస్ కంచుకోటలపై కాంగ్రెస్ దండయాత్ర. ఈనెల 30న సిరిసిల్లలో సీఎం రేవంత్ రెడ్డి భారీ బహిరంగ సభ.. ఆ వెంటనే సిద్దిపేటలోనూ ప్లాన్ ఖరారు. వివరాలు ఇవే.
Karimnagar | Published On Sep 21, 2026, 3.04 pm IST
సంక్షిప్త సారాంశం
ఈ నెల 30న బీఆర్ఎస్ వర్కింగ్ ప్రెసిడెంట్ కేటీఆర్ నియోజకవర్గమైన సిరిసిల్లలో కాంగ్రెస్ భారీ బహిరంగ సభ నిర్వహించనుంది. ముఖ్య అతిథిగా హాజరుకానున్న సీఎం రేవంత్ రెడ్డి, సిరిసిల్లలో పలు అభివృద్ధి కార్యక్రమాల్లోనూ పాల్గొంటారు. మంత్రులు తుమ్మల, శ్రీధర్ బాబు, పొన్నం ప్రభాకర్ ఆధ్వర్యంలో భారీ జనసమీకరణకు సన్నాహాలు వేగవంతమయ్యాయి. సిరిసిల్ల సభ ముగిసిన వెంటనే హరీశ్ రావు అడ్డా అయిన సిద్దిపేటలోనూ కాంగ్రెస్ భారీ సభకు కసరత్తు చేస్తోంది.
Revanth Reddy Sircilla Public Meeting | త్రినేత్ర.న్యూస్ : తెలంగాణ రాజకీయాల్లో మరో కీలక ఘట్టానికి తెరలేచింది. ప్రధాన ప్రతిపక్షం బీఆర్ఎస్ అగ్ర నేతల సొంత నియోజకవర్గాలను టార్గెట్ చేస్తూ కాంగ్రెస్ పార్టీ దూకుడు పెంచింది. గులాబీ కంచుకోటలను బద్దలు కొట్టడమే లక్ష్యంగా టీపీసీసీ (TPCC) రూపొందించిన సరికొత్త పొలిటికల్ యాక్షన్ ప్లాన్లో భాగంగా, ఈ నెల 30వ తేదీన సిరిసిల్లలో భారీ బహిరంగ సభ నిర్వహించాలని హస్తం అధిష్ఠానం నిర్ణయించింది.
కేటీఆర్ ఇలాకాలో రేవంత్ పర్యటన
ఇటీవల నల్లగొండ జిల్లాలో జరిగిన బహిరంగ సభలో మాట్లాడిన ముఖ్యమంత్రి రేవంత్ రెడ్డి.. త్వరలోనే సిరిసిల్ల, సిద్దిపేటలపై రాజకీయ దండయాత్ర చేస్తామని సవాల్ విసిరిన సంగతి తెలిసిందే. ఆ ప్రకటనకు అనుగుణంగానే, బీఆర్ఎస్ వర్కింగ్ ప్రెసిడెంట్ కేటీఆర్ ప్రాతినిధ్యం వహిస్తున్న సిరిసిల్ల నియోజకవర్గంలో ఈ నెల 30న భారీ సభను ఖరారు చేశారు. ఈ సభకు సీఎం రేవంత్ రెడ్డి ముఖ్య అతిథిగా హాజరుకానున్నారు. పర్యటనలో భాగంగా సిరిసిల్లలో పలు అభివృద్ధి పనులకు శంకుస్థాపనలు, ప్రారంభోత్సవాలు చేసేలా షెడ్యూల్ ప్లాన్ చేస్తున్నారు.
మంత్రులకు బాధ్యతలు.. భారీ జనసమీకరణ
సిరిసిల్ల సభను గ్రాండ్ సక్సెస్ చేయడం ద్వారా బీఆర్ఎస్ శ్రేణులకు గట్టి షాక్ ఇవ్వాలని కాంగ్రెస్ భావిస్తోంది. ఈ మేరకు ఉమ్మడి కరీంనగర్ జిల్లా ఇంఛార్జ్ మంత్రి తుమ్మల నాగేశ్వరరావు, ఐటీ మంత్రి శ్రీధర్ బాబు, రవాణా శాఖ మంత్రి పొన్నం ప్రభాకర్, ప్రభుత్వ విప్ ఆది శ్రీనివాస్, నియోజకవర్గ ఇంఛార్జ్ కేకే మహేందర్ రెడ్డి తదితరులు ఏర్పాట్లను ముమ్మరం చేశారు. రికార్డు స్థాయిలో ప్రజలను సమీకరించేలా నియోజకవర్గాల వారీగా బాధ్యతలు అప్పగించారు.
నెక్స్ట్ టార్గెట్ హరీశ్ రావు అడ్డా
కేవలం సిరిసిల్లతోనే ఆగకుండా, బీఆర్ఎస్ సీనియర్ నేత, మాజీ మంత్రి హరీశ్ రావు ఇలాకా అయిన సిద్దిపేటపైనా ఫోకస్ పెట్టింది కాంగ్రెస్. సిరిసిల్ల సభ పూర్తయిన వెంటనే అక్టోబర్ మొదటి వారంలో సిద్దిపేటలోనూ మరో భారీ బహిరంగ సభను నిర్వహించేందుకు సన్నాహాలు చేస్తోంది. బీఆర్ఎస్ ముఖ్య నేతల ఇలాకాల్లోనే నేరుగా పట్టు సాధించాలనే వ్యూహంతో కాంగ్రెస్ చేస్తున్న ఈ పొలిటికల్ మూవ్ రాష్ట్ర రాజకీయాల్లో తీవ్ర చర్చనీయాంశంగా మారింది.
ట్యాగ్స్:
సంబంధిత వార్తలు
తాజావార్తలు
- ●Ponnam Prabhakar | వేగంగా తెలంగాణ ఉద్యమకారుల గుర్తింపు ప్రక్రియ: పొన్నం ప్రభాకర్
- ●Kavya Maran | సన్ గ్రూప్ ఉద్యోగులకు గోల్డ్ రింగ్స్ను గిఫ్ట్గా ఇచ్చిన కావ్య మారన్
- ●IRCTC Tour | చలికాలంలో రూ.14 వేలకే ఊటీ టూర్.. హైదరాబాద్ నుంచి ఐఆర్సీటీసీ స్పెషల్ ప్యాకేజీ
- ●MLA Sudarshan Reddy | వచ్చే ఎన్నికల్లో పోటీకి దూరంగా ఉంటా.. కాంగ్రెస్ ఎమ్మెల్యే కీలక వ్యాఖ్యలు
- ●Elderly couple death | వృద్ధాప్య సమస్యలతో భర్త మృతి.. తట్టుకోలేక గంటల వ్యవధిలోనే భార్య కన్నుమూత
- ●Indus Water | సింధూ జలాల ఒప్పందంపై మా వైఖరి స్పష్టంగా ఉంది : భారత్

Ponnam Prabhakar | వేగంగా తెలంగాణ ఉద్యమకారుల గుర్తింపు ప్రక్రియ: పొన్నం ప్రభాకర్

Kavya Maran | సన్ గ్రూప్ ఉద్యోగులకు గోల్డ్ రింగ్స్ను గిఫ్ట్గా ఇచ్చిన కావ్య మారన్

IRCTC Tour | చలికాలంలో రూ.14 వేలకే ఊటీ టూర్.. హైదరాబాద్ నుంచి ఐఆర్సీటీసీ స్పెషల్ ప్యాకేజీ

MLA Sudarshan Reddy | వచ్చే ఎన్నికల్లో పోటీకి దూరంగా ఉంటా.. కాంగ్రెస్ ఎమ్మెల్యే కీలక వ్యాఖ్యలు






