Russian Yolka Drone | పిస్టల్ లాంటి గన్.. గాల్లోకి దూసుకెళ్లి శత్రు డ్రోన్ల క్రాష్: రష్యా ‘యోల్కా’ సిస్టమ్ వీడియో వైరల్

• శత్రు డ్రోన్లను గాల్లోనే ఢీకొట్టి నాశనం చేసే 'యోల్కా' (Yolka) అనే కొత్త హ్యాండ్‌హెల్డ్ యాంటీ-డ్రోన్ సిస్టమ్‌ను రష్యన్ దళాలు వినియోగిస్తున్నాయి.
• ఇది ఎలాంటి పేలుడు పదార్థాలను వాడదు. గన్ లాంటి లాంచర్ నుంచి ఫైర్ చేయగానే, ఏఐ (AI) సాయంతో టార్గెట్‌ను ట్రాక్ చేసి గాల్లోనే పేల్చేస్తుంది.
• గంటకు 200 నుంచి 250 కి.మీ వేగంతో, 3 కిలోమీటర్ల పరిధిలోని డ్రోన్లను టార్గెట్ చేసే ఈ డివైజ్ తయారీ ఖర్చు సుమారు $500 మాత్రమే.
• 2025 మే నెలలో జరిగిన విక్టరీ డే పరేడ్‌లో పుతిన్ భద్రతా సిబ్బంది చేతిలో తొలిసారిగా ఈ డివైజ్ కనిపించింది.

Russian Yolka Drone | త్రినేత్ర.న్యూస్ : రష్యా-ఉక్రెయిన్ వార్‌లో డ్రోన్ల వినియోగం ఎంతలా పెరిగిందో తెలిసిందే. అయితే, ఇప్పుడు శత్రువుల కళ్లుగప్పి వచ్చే ఈ డ్రోన్లకు (Drones) చెక్ పెట్టేందుకు రష్యా ఒక సరికొత్త హ్యాండ్‌హెల్డ్ యాంటీ-డ్రోన్ సిస్టమ్‌ను రంగంలోకి దించింది. 'యోల్కా' (Yolka) అని పిలిచే ఈ డివైజ్‌ను రష్యన్ దళాలు యుద్దభూమిలో వాడుతున్న ఒక వీడియో ప్రస్తుతం నెట్టింట వైరల్ గా మారింది.

గాల్లోనే వెంబడించి వేట

సోషల్ మీడియాలో చక్కర్లు కొడుతున్న ఈ వీడియోలో.. ఒక సైనికుడు పిస్టల్ (Pistol) లాంటి చిన్న లాంచర్ నుంచి మినీ ఇంటర్‌సెప్టార్ డ్రోన్‌ను ఫైర్ చేయడం మనం చూడొచ్చు. గాల్లోకి వెళ్లిన వెంటనే ఈ డ్రోన్ ఆటోమెటిక్ గా టార్గెట్ ను ట్రాక్ (Track) చేసి, వెంబడించి మరీ గాల్లోనే దాన్ని నాశనం చేసేస్తుంది.

పుతిన్ పరేడ్‌లో తొలిసారి

అసలు ఈ యోల్కా సిస్టమ్ గురించి ప్రపంచానికి ఎప్పుడు తెలిసిందంటే.. 2025 మే నెలలో జరిగిన రష్యా విక్టరీ డే పరేడ్ లో! అప్పట్లో అధ్యక్షుడు వ్లాదిమిర్ పుతిన్ (Vladimir Putin) కు కాపలాగా ఉన్న ఒక సెక్యూరిటీ ఆఫీసర్ చేతిలో ఈ కాంపాక్ట్ డివైజ్ తొలిసారిగా కనిపించింది. ఆ తర్వాత అది 'యోల్కా' సిస్టమ్ అని అధికార వర్గాలు ధృవీకరించాయి.

అసలు ఇది ఎలా పనిచేస్తుంది?

యోల్కా స్పెషాలిటీ ఏంటంటే.. ఇది టార్గెట్‌ను నాశనం చేయడానికి ఎలాంటి ఎక్స్‌ప్లోజివ్స్ (పేలుడు పదార్థాలు) వాడదు. గంటకు 200-250 కిలోమీటర్ల (km/h) వేగంతో దూసుకెళ్లి శత్రు డ్రోన్‌ను బలంగా ఢీకొట్టి (Impact) క్రాష్ చేస్తుంది. దీనికి సాధారణ విమానాల్లా తోక ఉండదు. ఒక స్థూపాకారపు బాడీ, రెండు జతల X-ఆకారపు రెక్కలు, వెనుక భాగంలో చిన్న ఎలక్ట్రిక్ మోటార్లు, ప్రొపెల్లర్లు ఉంటాయి.

ఆర్టిఫిషియల్ ఇంటెలిజెన్స్ (AI), కెమెరాలు, సెన్సార్ల సాయంతో 3 కిలోమీటర్ల దూరంలో ఉన్న టార్గెట్లను కూడా ఇది కచ్చితత్వంతో పసిగట్టగలదు. ఇన్ని ఫీచర్లు ఉన్న ఈ మినీ ఇంటర్సెప్టర్ ఖర్చు కూడా తక్కువే.. కేవలం 500 డాలర్లు (సుమారు రూ. 41 వేలు) మాత్రమే.

మోడ్రన్ వార్‌ఫేర్‌లో, ముఖ్యంగా ఉక్రెయిన్ యుద్దంలో సర్వైలెన్స్ డ్రోన్లు, కమికాజ్ డ్రోన్ల (Kamikaze drones) బెడదను ఎదుర్కొనేందుకు రష్యా దీనిని ప్రత్యేకంగా డిజైన్ చేసింది. ఇటీవల దొనెట్స్క్ (Donetsk) ప్రాంతంలో ఒక ఉక్రేనియన్ అటాక్ డ్రోన్‌ను రష్యాకు చెందిన చెచెన్ (Chechen) స్పెషల్ ఫోర్సెస్ ఇదే యోల్కా సిస్టమ్‌తో కూల్చేశాయి.

Russian (Chechen) special forces used a Yolka portable kinetic interceptor drone to shoot down a Ukrainian attack drone in the direction of Donetsk. pic.twitter.com/uILO9Z7XrC

— Deadly Weapons (@deadlyweapns) May 31, 2026