Iran Apologises To Gulf Countries | ఇకపై దాడులు చేయం.. క్ష‌మించండి.. గ‌ల్ఫ్ దేశాల‌కు ఇరాన్ క్ష‌మాప‌ణ‌లు

Iran Apologises To Gulf Countries | ప‌శ్చిమాసియాలో ఉద్రిక్త‌త‌లు తారాస్థాయికి చేరాయి. ఇరాన్‌ (Iran)పై ఇజ్రాయెల్‌-అమెరికా దాడుల‌ను పెంచింది. అదే స‌మ‌యంలో ఇరాన్ సైతం ప్ర‌తిదాడుల‌తో విరుచుకుప‌డుతోంది. ముఖ్యంగా గ‌ల్ఫ్ దేశాల్లోని అమెరికా స్థావ‌రాలే ల‌క్ష్యంగా దాడులు కొన‌సాగిస్తోంది. ఇరాన్ చేప‌డుతున్న ఈ దాడుల‌పై గ‌ల్ఫ్ దేశాలు (Gulf Countries) ఆగ్ర‌హం వ్య‌క్తం చేస్తున్నాయి. ఈ నేప‌థ్యంలో గ‌ల్ఫ్ దేశాల‌కు ఇరాన్ క్ష‌మాప‌ణ‌లు చెప్పింది. ఇక‌పై దాడులు చేయ‌మ‌ని స్ప‌ష్టం చేసింది.

ఇరాన్ టెలివిజ‌న్‌తో అధ్యక్షుడు (Iran President) మసౌద్ పెజెష్కియన్ (Masoud Pezeshkian) మాట్లాడుతూ ఈ మేర‌కు క్ష‌మాప‌ణ‌లు చెప్పారు. ఇకపై గ‌ల్ఫ్ దేశాలపై దాడులు చేయకూడదని ఇరాన్ మధ్యంతర నాయకత్వం నిర్ణయించిన‌ట్లు వెల్ల‌డించారు. పొరుగు దేశాల‌పై క్షిప‌ణులు ప్ర‌యోగించ‌మ‌ని తెలిపారు. అయితే, ఆయా దేశాలు ఇరాన్‌పై దాడి చేస్తే మాత్రం ఊరుకునేది లేద‌ని హెచ్చ‌రించారు.

అమెరికాకు లొంగిపోయేది లేదు..

మ‌రోవైపు ఇరాన్‌తో ఎలాంటి చ‌ర్చ‌లూ, ఒప్పందాలు ఉండ‌వ‌ని బేష‌ర‌తుగా లొంగిపోవాల్సిందే అని అమెరికా అధ్య‌క్షుడు డొనాల్డ్ ట్రంప్ చేసిన వ్యాఖ్య‌ల‌కు మ‌సౌద్ కౌంట‌ర్ ఇచ్చారు. ఇరాన్ ఏ దేశానికీ లొంగిపోద‌ని స్ప‌ష్టం చేశారు. ఇరాన్ లొంగిపోవాలనుకునే వారి కోరికను వారి సమాధులపైకి మళ్లిస్తాం అని ఘాటుగా వ్యాఖ్యానించారు.

గ‌ల్ఫ్ దేశాల‌పై ఇరాన్ మిస్సైల్స్‌..

అమెరికా-ఇజ్రాయెల్ దాడుల‌కు ఇరాన్ గ‌ట్టిగా బ‌దులిస్తోంది. ముఖ్యంగా దుబాయ్‌, యూఏఈ, ఖ‌తార్‌, బహ్రెయిన్‌, కువైట్ వంటి గ‌ల్ఫ్ దేశాల్లోని అమెరికా ఎంబ‌సీలు, సైనిక స్థావ‌రాలే ల‌క్ష్యంగా విరుచుకుపడుతోంది. ఈ దాడుల‌తో గ‌ల్ఫ్ దేశాల్లోని ప్ర‌జ‌లు ఆందోళ‌న వ్య‌క్తం చేస్తున్నారు. అదే స‌మ‌యంలో మాపై దాడులు ఏంట‌ని గ‌ల్ఫ్ నాయ‌కులు ఇరాన్‌పై మండిప‌డుతున్నారు. ఈ నేప‌థ్యంలోనే గ‌ల్ఫ్ దేశాల‌కు ఇరాన్ క్ష‌మాప‌ణ‌లు చెప్పింది.

Also Read..

Sundar Pichai | భారీగా పెరిగిన గూగుల్ సీఈవో పిచాయ్ వేత‌నం.. ఎంతంటే..?

Thalapathy Vijay | న‌న్ను ఇంట్లోకి రానివ్వ‌డంలేదు.. కోర్టులో మ‌రో పిటిష‌న్ వేసిన విజ‌య్ భార్య‌ సంగీత‌

T20 World Cup 2026 | టీ20 ప్ర‌పంచ‌క‌ప్ 2026 ముగింపు వేడుక‌లు.. సింగ‌ర్ రికీ మార్టిన్‌తో ప్రోగ్రామ్‌..