త్రినేత్ర News Logo
DIGITAL-NEWS

Maruti Suzuki | మారుతి కార్ల ధరలకు మరోసారి రెక్కలు.. నేటి నుంచే కొత్త రేట్లు!

Maruti Suzuki | కొనుగోలుదారులకు మారుతి సుజుకి మరోసారి షాక్‌ ఇచ్చింది. ఇప్పటికే ఈ ఏడాది పలుమార్లు వాహనాల ధరలను సవరించిన దేశంలోనే అతిపెద్ద కార్ల తయారీ సంస్థ తాజాగా మరోసారి ధరల పెంపునకు నిర్ణయం తీసుకుంది. నవంబర్‌ 22 నుంచే కొత్త ధరలు అమల్లోకి వచ్చినట్లు ప్రకటించింది.

P

Technology | Published On Nov 22, 2026, 7.05 pm IST

Maruti Suzuki | మారుతి కార్ల ధరలకు మరోసారి రెక్కలు.. నేటి నుంచే కొత్త రేట్లు!
Advertisement
  • 2026లో నాలుగోసారి ధరల సవరణ
  • ఎంపిక చేసిన వేరియంట్లపై సగటున 0.31 శాతం పెంపు
  • ముడిసరుకు, తయారీ వ్యయాల భారమే కారణం

Maruti Suzuki | కొనుగోలుదారులకు మారుతి సుజుకి మరోసారి షాక్‌ ఇచ్చింది. ఇప్పటికే ఈ ఏడాది పలుమార్లు వాహనాల ధరలను సవరించిన దేశంలోనే అతిపెద్ద కార్ల తయారీ సంస్థ తాజాగా మరోసారి ధరల పెంపునకు నిర్ణయం తీసుకుంది. నవంబర్‌ 22 నుంచే కొత్త ధరలు అమల్లోకి వచ్చినట్లు ప్రకటించింది. అయితే ఈ పెంపు అన్ని మోడళ్లకు వర్తించదు. ఎంపిక చేసిన వాహనాల నిర్దిష్ట వేరియంట్లపై సగటున 0.31 శాతం మేర ధరలను పెంచింది. ముడిసరుకు ధరలు, వాహనాల తయారీకి అవసరమయ్యే ఇతర ఇన్‌పుట్‌ ఖర్చులు నిరంతరం పెరుగుతుండటంతో కొంత భారాన్ని వినియోగదారులకు బదిలీ చేయాల్సి వస్తోందని కంపెనీ వర్గాలు వెల్లడించాయి.

ఈ ఏడాది నాలుగోసారి పెంపు

మారుతి సుజుకి 2026లో వరుసగా ధరల సవరణలు చేపడుతోంది. ఈ ఏడాది జూన్‌లో తొలిసారిగా గరిష్టంగా రూ.30 వేల వరకు ధరలు పెంచింది. ఆగస్టులోనూ మరోసారి రూ.30 వేల వరకు వడ్డించింది. సెప్టెంబర్‌లో గరిష్టంగా రూ.20 వేల మేర ధరలను సవరించింది. తాజాగా నవంబర్‌లో సగటున 0.31 శాతం పెంపుతో మరోసారి కొనుగోలుదారులపై భారం మోపింది. అంటే ఏడాదిలో నాలుగుసార్లు ధరలను సవరించినట్లయింది. ఉత్పత్తి వ్యయాలు పెరుగుతున్న నేపథ్యంలో కంపెనీ ఈ నిర్ణయాలు తీసుకుంటోంది.

కారు ధరను బట్టి అదనపు భారం ఎంతంటే?

తాజా ధరల పెంపు సగటున 0.31 శాతం ఉండటంతో కారు విలువను బట్టి కొనుగోలుదారులపై అదనపు భారం పడనుంది. ఉదాహరణకు రూ.5 లక్షల ధర కలిగిన కారుపై సుమారు రూ.1,550, రూ.8 లక్షల కారుపై రూ.2,480, రూ.10 లక్షల విలువైన కారుపై దాదాపు రూ.3,100 వరకు అదనంగా చెల్లించాల్సి రావచ్చు. అయితే ఇవి సగటు పెంపు ఆధారంగా వేసిన అంచనాలు మాత్రమే. ఆయా మోడళ్లు, వేరియంట్లను బట్టి వాస్తవ ధరల పెరుగుదలలో మార్పులు ఉంటాయి. అయితే, ఇవి 0.31 శాతం సగటు పెంపు ఆధారంగా వేసిన అంచనాలు మాత్రమే. వాస్తవ ధరల పెరుగుదల మోడల్‌, వేరియంట్‌ను బట్టి మారుతుంది.

కొనుగోలుదారులు గమనించాల్సిందే..

కొత్త ధరలు నవంబర్‌ 22 నుంచే అమల్లోకి రావడంతో ప్రస్తుతం మారుతి కారు కొనుగోలు చేయాలనుకునే వారు తాజా ధరలను పరిగణనలోకి తీసుకోవాలి. ముఖ్యంగా బుకింగ్‌ చేయడానికి ముందు తాము ఎంచుకున్న మోడల్‌, వేరియంట్‌పై ఎంత పెంపు వర్తించిందో తెలుసుకోవడం అవసరం. ఇందుకోసం సమీపంలోని మారుతి సుజుకి అధీకృత డీలర్‌షిప్‌ను సంప్రదించి కొత్త ఎక్స్‌షోరూమ్‌ ధరలను నిర్ధారించుకోవాలి. ధరల పెంపు నేపథ్యంలో కారు కొనుగోలు బడ్జెట్‌ను కూడా మరోసారి సమీక్షించుకోవాల్సిన పరిస్థితి ఏర్పడింది.

Advertisement
Advertisement