Missile strikes | ఇజ్రాయెల్ అణు ప‌రిశోధ‌న కేంద్రం ల‌క్ష్యంగా ఇరాన్ దాడులు.. 100మందికిపైగా గాయాలు

Missile strikes | త్రినేత్ర‌.న్యూస్‌: ఇజ్రాయెల్‌పై ఇరాన్ (Iran) ప్రతీకార దాడులు ముమ్మరం చేసింది. తమ ప్రధాన అణు శుద్ధి కేంద్రం నతాంజ్‌పై దాడికి ప్రతీకారంగా ఇజ్రాయెల్ (Israel) అణుప‌రిశోధ‌న కేంద్రం (Nuclear Research Center) స‌మీపంలోని డిమోనా (Dimona), అర‌ద్ (Arad) న‌గ‌రాల‌పై వరుస క్షిపణి దాడులతో (Missile strikes) విరుచుకుపడింది. దీంతో చిన్నారులు స‌హా 100 మందికిపైగా గాయ‌ప‌డ్డారు. అరాద్‌లోనే 88 మంది గాయ‌ప‌డ్డారు. వారిలో 10 మంది పరిస్థితి విష‌మంగా ఉంద‌ని అధికారులు తెలిపారు. దంతో ఓ మూడు అంతస్తుల భవనం పూర్తిగా కూలిపోయింది.

ఇరాన్ నుంచి రెండు బాలిస్టిక్ క్షిప‌ణులు రాగా, వాటిని అడ్డుకోవ‌డంలో ఇజ్రాయెల్ ర‌క్ష‌ణ వ్య‌వ‌స్థ‌లు విఫ‌ల‌మైన‌ట్లు స‌మాచారం. ఈ నేప‌థ్యంలోనే డిమోనా, అరాద్ న‌గ‌రాల్లోని నివాస ప్రాంతాల‌పై క్షిప‌ణులు ప‌డ్డాయి. దీంతో పెద్ద ఎత్తున మంట‌లు చెల‌రేగాయి. డిమోనాలోని షిమోన్ పెరెస్ నెగెవ్ న్యూక్లియ‌ర్ రీసెర్చ్ సెంట‌ర్ ల‌క్ష్యంగా ఈ దాడులు జ‌రిగిన‌ట్లు అధికారులు వెల్ల‌డించారు.

ఈ ఘ‌ట‌న‌పై ఇజ్రాయెల్ ప్ర‌ధాని జెంజ‌మిన్ నెత‌న్యాహు తీవ్రంగా స్పందించారు. శత్రువులపై అన్ని రంగాల్లో ప్రతిదాడులు కొనసాగిస్తామని చెప్పారు. ఇది మ‌న భ‌విష్య‌త్తుకు సంబంధించిన క‌ఠిన స‌మ‌య‌మ‌ని తెలిపారు. గాయ‌ప‌డిన వారికి త‌క్ష‌ణ స‌హాయం అందించాల‌ని అధికారుల‌ను ఆదేశించారు. ప్ర‌జ‌లు ప్ర‌భుత్వ సూచ‌న‌లు త‌ప్ప‌నిస‌రిగా పాటించాల‌ని స్ప‌ష్టం చేశారు.

https://x.com/clashreport/status/2035454348075884830

https://x.com/clashreport/status/2035465847372665317

https://x.com/clashreport/status/2035480672958022041