Fire Accident | మ‌రో భారీ అగ్ని ప్ర‌మాదం.. 20 మంది మృతి

Fire Accident | ప్ర‌పంచ‌వ్యాప్తంగా అగ్ని ప్ర‌మాదాలు ఆగ‌డం లేదు. ఎక్క‌డో మూల‌న ఏదో ఒక అగ్ని ప్ర‌మాదం జ‌రుగుతూనే ఉంది. మ‌నుషుల ప్రాణాల‌ను బ‌లి తీసుకుంటోంది. నిన్న గాక మొన్న‌నే గోవా నైట్‌క్ల‌బ్‌లో జ‌రిగిన అగ్ని ప్ర‌మాదం ఘ‌ట‌న మ‌ర‌వ‌క‌ముందే ఇండోనేషియాలోని జ‌క‌ర్తాలో మ‌రో అగ్ని ప్ర‌మాదం చోటు చేసుకుంది.

7 అంత‌స్థుల భ‌వ‌నంలో మంట‌లు వ్యాపించ‌డంతో 20 మంది మృత్యువాత ప‌డ్డారు. ఇండోనేషియా రాజ‌ధాని జ‌క‌ర్తాలో ఈ ఘ‌ట‌న చోటు చేసుకుంది. వెంట‌నే రంగంలోకి దిగిన ఫైర్ సిబ్బంది మంట‌ల‌ను ఆర్పే ప్ర‌య‌త్నం చేస్తున్నారు. బిల్డింగ్‌లో చాలామంది మంట‌ల్లో చిక్కుకుపోయారు. వాళ్ల‌ను బ‌య‌టికి తీసుకురావ‌డానికి స‌హాయ‌క సిబ్బంది ప్రయ‌త్నిస్తున్నారు.

మొద‌టి అంత‌స్థులో మంట‌లు మొద‌లయ్యాయి. ఆ త‌ర్వాత బిల్డింగ్ అంతా వ్యాపించాయి. ఓ కంపెనీకి చెందిన బిల్డింగ్ అది. మంట‌లు వ్యాపించే స‌మ‌యంలో కొంద‌రు ఉద్యోగులు భోజ‌నం చేస్తున్నారు. మ‌రికొంద‌రు అప్పుడే ఆఫీసు నుంచి వెళ్లిపోయారు.. అని జ‌క‌ర్తా పోలీసులు తెలిపారు.

12 HAS BEEN KILLED SO FAR DUE TO FIRE INCIDENT IN KEMAYORAN, CENTRAL JAKARTA, INDONESIA https://t.co/FguJPPkA0s

— Agraprana Pahlawan (@skynewsagra) December 9, 2025