Ex-Nepal PM KP Oli | నేపాల్ మాజీ ప్ర‌ధాని కేపీ శ‌ర్మ ఓలీ అరెస్ట్

Ex-Nepal PM KP Oli | త్రినేత్ర‌.న్యూస్ : నేపాల్ మాజీ ప్ర‌ధాని కేపీ శ‌ర్మ ఓలీ శ‌నివారం తెల్ల‌వారుజామున అరెస్టు అయ్యారు. గ‌తేడాది నేపాల్‌లో చోటు చేసుకున్న జెన్ జెడ్ నిర‌స‌న‌ల‌ను హింసాత్మ‌కంగా అణచివేసిన ఘ‌ట‌న‌కు సంబంధించి, న‌ర‌హ‌త్య కేసులో ఓలీని అరెస్టు చేసిన‌ట్లు పోలీసులు తెలిపారు. ఇదే కేసులో నేపాలీ కాంగ్రెస్ నేత, మాజీ హోం మంత్రి ర‌మేశ్ లేఖ‌క్‌ను కూడా అరెస్టు చేశారు. నేపాల్ ప్ర‌ధానిగా బాలెన్ షా ప్ర‌మాణ‌స్వీకారం జ‌రిగిన మ‌రుస‌టి రోజే ఓలీని అరెస్టు చేయ‌డం ఆ దేశంలో తీవ్ర చ‌ర్చానీయాంశ‌మైంది.

ఓలీ, లేఖ‌క్‌పై 10 సంవత్సరాల వరకు జైలు శిక్ష విధించగల నిబంధనల కింద అభియోగాలు మోపే అవకాశం ఉంది. నాలుగుసార్లు ప్రధానమంత్రిగా పనిచేసిన, కమ్యూనిస్ట్ పార్టీ ఆఫ్ నేపాల్ (యూనిఫైడ్ మార్క్సిస్ట్-లెనినిస్ట్) నాయకుడైన ఓలీపై విచారణ జరపాలని నేపాల్‌లోని ఒక ఉన్నత స్థాయి కమిషన్ సిఫార్సు చేసిన తర్వాత ఆయన అరెస్టు జరిగింది.

2025 సెప్టెంబ‌ర్ నెల‌లో చోటు చేసుకున్న తిరుగుబాటు కార‌ణంగా.. 77 మంది ప్రాణాలు కోల్పోగా, 2 వేల మందికి పైగా గాయ‌ప‌డ్డారు. ప్ర‌ధానంగా అవినీతి, నిరుద్యోగం, రాజ‌కీయ అస్థిర‌త‌పై ప్ర‌జ‌లు తిరుగుబాటు చేశారు.

This is how it’s started to arrest Nepal Ex Prime Minister KP Sharma Oli. New Prime Minister Balendra Shah cabinet’s Home Minister Sudhan Gurung also confirmed!

पूर्वप्रधानमन्त्री केपी शर्मा ओली पक्राउ ! #Nepal #KPSharmaOli #KPOli Gen Z pic.twitter.com/jfTvZzI4cN

— Jitan Katwal 𝕏 (@JitanKatwal) March 28, 2026