Woman Skull | కీస‌ర అట‌వీ ప్రాంతంలో మ‌హిళ పుర్రె ల‌భ్యం..!

Woman Skull | హైదరాబాద్ : హైదరాబాద్ నగరానికి సమీపంలోని కీసర పోలీసు స్టేషన్ పరిధిలోని తిమ్మాయిపల్లి అటవీ ప్రాంతంలో మహిళ పుర్రె కలకలం సృష్టించింది. మహిళ పుర్రెను స్థానికులు శుక్రవారం గుర్తించి కీసర పోలీసులకు సమాచారం అందించారు. ఘటనాస్థలానికి చేరుకున్న పోలీసులు.. ఆ ప్రాంతాన్ని తమ ఆధీనంలోకి తీసుకున్నారు. మహిళ పుర్రె పడి ఉన్న ప్రాంతాన్ని నిశితంగా పరిశీలించి, ఆధారాలు సేకరించే ప్రయత్నం చేశారు. కేసు నమోదు చేసుకున్న పోలీసులు దర్యాప్తు చేపట్టారు. అయితే మహిళ ఎవరై ఉంటారు..? ఆత్మహత్య చేసుకుందా..? లేక ఎవరైనా హత్య చేసి అక్కడ పడేసి వెళ్లిపోయారా..? అన్న కోణంలో పోలీసులు విచారణ జరుపుతున్నారు. ఇటీవల ఎవరైనా మహిళలు అదృశ్యమైనట్లు ఫిర్యాదులు అంది ఉంటే, ఆ సమాచారాన్ని కీసర పోలీస్ స్టేషన్కు తెలపాలని మిగతా పోలీసు స్టేషన్లను అలర్ట్ చేశారు. మృతురాలిని వీలైనంత త్వరగా గుర్తించేందుకు ఇది సహాయపడుతుందని పోలీసులు పేర్కొన్నారు.