Joginapally Santosh Kumar | “మీ మద్దతు వెలకట్టలేనిది.. మీకు ఎన్ని కృతజ్ఞతలు చెప్పినా తక్కువే”: సంతోష్ కుమార్

Joginapally Santosh Kumar | రాష్ట్రంలో సంచలనం సృష్టించిన ఫోన్ ట్యాపింగ్ కేసులో బీఆర్ఎస్ ప్రధాన కార్యదర్శి, మాజీ ఎంపీ జోగినపల్లి సంతోష్ కుమార్ మంగళవారం సిట్ (SIT) విచారణకు హాజరైన విషయం తెలిసిందే. సిట్ కార్యాలయానికి వెళ్లే ముందు సంతోష్ కుమార్ నందినగర్‌లోని బీఆర్ఎస్ అధినేత కేసీఆర్ నివాసానికి వెళ్లారు. అక్కడ పార్టీ ముఖ్య నాయకులతో సమావేశమై, అనంతరం కొంతమంది నాయకులతో కలిసి ర్యాలీగా సిట్ ఆఫీసుకి చేరుకున్నారు.

మద్దతుదారులకు కృతజ్ఞతలు

సిట్ విచారణ ముగిసిన తర్వాత సంతోష్ కుమార్ సోషల్ మీడియా వేదిక 'ఎక్స్' ద్వారా బుధవారం స్పందించారు. తనకు మద్దతుగా నిలిచిన వారికి కృతజ్ఞతలు తెలుపుతూ ఓ పోస్ట్ పెట్టారు.

"అధికారులు నన్ను విచారణకు పిలిచినప్పుడు.. నాకు అండగా నిలిచేందుకు స్వయంగా తరలివచ్చిన వారికి, అలాగే వివిధ ప్లాట్‌ఫారమ్‌ల (సోషల్ మీడియా) ద్వారా తమ అచంచలమైన మద్దతు, సంఘీభావం తెలిపిన మీలో ప్రతి ఒక్కరికీ నేను ఎన్ని కృతజ్ఞతలు చెప్పినా తక్కువే. మీ ప్రేమాభిమానాలకు నిజంగా ఎంతో కృతజ్ఞుడను (Truly grateful)," అని సంతోష్ కుమార్ పేర్కొన్నారు.

ఫోన్ ట్యాపింగ్ కేసులో దర్యాప్తు వేగవంతం చేసిన అధికారులు, సంతోష్ కుమార్ ను పలు కోణాల్లో ప్రశ్నించినట్లు సమాచారం.

https://x.com/SantoshKumarBRS/status/2016469537529659638