Traffic Restrictions | రేపే హ‌నుమాన్ శోభాయాత్ర‌.. హైద‌రాబాద్‌లో ట్రాఫిక్ ఆంక్ష‌లు

Traffic Restrictions | త్రినేత్ర‌.న్యూస్ : హ‌నుమాన్ శోభాయాత్ర‌కు భాగ్య‌న‌గ‌రం ముస్తాబైంది. పాత‌బ‌స్తీలోని గౌలిగూడ రామ్ మందిర్ నుంచి తాడ్‌బండ్‌లోని హ‌నుమాన్ ఆయ‌లం వ‌ర‌కు ఈ శోభాయాత్ర కొన‌సాగ‌నుంది. ఈ నేప‌థ్యంలో హైద‌రాబాద్ పోలీసులు ట్రాఫిక్ ఆంక్ష‌లు విధించారు. గౌలిగూడ రామ్ మందిర్ నుంచి ప్యార‌డైజ్ జంక్ష‌న్ వ‌ర‌కు, క‌ర్మ‌న్‌ఘాట్ హనుమాన్ టెంపుల్ నుంచి కోఠి వ‌ర‌కు ఉద‌యం 9 గంట‌ల నుంచి రాత్రి 8 గంట‌ల వ‌ర‌కు ట్రాఫిక్ ఆంక్ష‌లు అమ‌ల్లో ఉంటాయ‌ని పోలీసులు తెలిపారు.

కోఠి, అబిడ్స్, నారాయ‌ణ‌గూడ‌, ఆర్టీసీ ఎక్స్ రోడ్స్, ముషీరాబాద్, సికింద్రాబాద్ మార్గాల్లో వెళ్లే వాహ‌న‌దారులు, ప్ర‌యాణికులు ప్ర‌త్యామ్నాయ మార్గాల‌ను ఎంచుకోవాల‌ని పోలీసులు సూచించారు. హనుమాన్ శోభాయాత్ర‌కు అనుగుణంగా వాహ‌నాల మ‌ళ్లింపు ఉంటుంద‌న్నారు. కాబ‌ట్టి వాహ‌న‌దారులు, ప్ర‌యాణికులు పోలీసుల‌కు స‌హ‌క‌రించాల‌ని కోరారు. త‌దిత‌ర వివ‌రాల కోసం హెల్ప్‌లైన్ నంబ‌ర్‌ 9010203626 ను సంప్ర‌దించొచ్చు.