Traffic Restrictions | బీ అల‌ర్ట్.. హైద‌రాబాద్‌లో 25న ట్రాఫిక్ ఆంక్ష‌లు..

Traffic Restrictions | త్రినేత్ర‌.న్యూస్ : ఈ నెల 25న మిలాద్-ఉన్-నబీ పండుగను పురస్కరించుకుని దారూస్సలాంలోని ఎంఐఎం పార్టీ కార్యాలయంలో జ‌ల్సా కార్య‌క్ర‌మం నిర్వ‌హించ‌నున్నారు. మంగ‌ళ‌వారం సాయంత్రం 6 నుంచి 26 తెల్ల‌వారుజామున 4 గంట‌ల వ‌ర‌కు ట్రాఫిక్ ఆంక్ష‌లు ఉంటాయ‌ని పోలీసులు తెలిపారు. ఈ నేప‌థ్యంలో ఆ మార్గంలో రాక‌పోక‌లు సాగించే వాహ‌నాల‌కు ఎలాంటి అంత‌రాయం క‌ల‌గ‌కుండా.. ట్రాఫిక్ ర‌ద్దీని నివారించేందుకు పోలీసులు ప్ర‌త్యామ్నాయ మార్గాల‌ను సూచించారు.

ట్రాఫిక్ మళ్లింపులు ఇలా..

• మలక్‌కుంట, బేగం బజార్ ఛత్రీ వైపు నుంచి: దారూస్సలాం రోడ్డు వైపు వచ్చే వాహనాలను అలస్కా టి-జంక్షన్ వద్ద ఎంజే బ్రిడ్జ్, ఎంజే మార్కెట్ వైపు మళ్లిస్తారు.
• మల్లేపల్లి ఎక్స్ రోడ్, బోయగూడ కమాన్, మంగళ్‌హాట్ వైపు నుంచి: దారూస్సలాం వైపు వచ్చే వాహనాలను అఘాపురా ఎక్స్ రోడ్ వద్ద టక్కర్‌వాడి మరియు చార్మినార్ వైపు మళ్లిస్తారు.
• బజార్ ఘాట్, తాజ్ ఐలాండ్ వైపు నుంచి: దారూస్సలాం వైపు వచ్చే వాహనాలను ఏక్ మినార్ వద్ద బజార్ ఘాట్ మరియు నాంపల్లి రైల్వే స్టేషన్ రోడ్డు వైపు మళ్లిస్తారు.
• సీతారాంభాగ్, మంగళ్‌హాట్ వైపు నుంచి: దారూస్సలాం రోడ్డు వైపు వచ్చే వాహనాలను అఘాపురా జంక్షన్ వద్ద చార్‌కండిల్ వైపు మళ్లిస్తారు.
• మెహదీపట్నం, ఆసిఫ్‌నగర్ వైపు నుంచి: దారూస్సలాం వైపు వచ్చే వాహనాలను మల్లేపల్లి ఎక్స్ రోడ్ వద్ద గోకుల్ నగర్ మరియు బజార్ ఘాట్ వైపు మళ్లిస్తారు.

పార్కింగ్ ఏర్పాట్లు:

దారూస్సలాం జల్సా కార్యక్రమానికి హాజరయ్యే ప్రజలు ట్రాఫిక్ రద్దీ కాకుండా వాహనాలను కేవలం కింద పేర్కొన్న నిర్దేశిత ప్రాంతాలలో మాత్రమే పార్కింగ్ చేయాల్సి ఉంటుంది.

• గవర్నమెంట్ డిస్పెన్సరీ హాస్పిటల్ (సీతారాంభాగ్): 4-వీలర్లు
• అఘా దర్గా: 2-వీలర్లు
• సర్దార్ బేగ్ దర్గా: 2-వీలర్లు
• పాన్ మండి రోడ్: 2-వీలర్లు
• ఎస్‌బీఐ రోడ్: 2-వీలర్లు
• రాకెట్ గ్రౌండ్: 4-వీలర్లు