Traffic Diversions | వాహ‌న‌దారుల‌కు అల‌ర్ట్‌.. ఆ రూట్‌లో సాయంత్రం 4 నుంచి ట్రాఫిక్ ఆంక్ష‌లు

Traffic Diversions | త్రినేత్ర‌.న్యూస్‌: ప్ర‌ముఖ సంగీత ద‌ర్శ‌కుడు, రాక్‌స్టార్ అనిరుధ్ ర‌విచంద‌ర్ (Anirudh Ravichander) హైద‌రాబాద్‌లోని గ‌చ్చిబౌలిలో మ్యూజిక్ క‌న్స‌ర్ట్ (Music Concert) నిర్వ‌హించ‌నున్నారు. శ‌నివారం సాయంత్రం జ‌రుగ‌నున్న ఈ కార్య‌క్ర‌మానికి పెద్ద‌సంఖ్య‌లో యువ‌త‌, అభిమానులు త‌ర‌లిరానున్నారు. ఈ నేప‌థ్యంలో సాయంత్రం 4 గంట‌ల నుంచి రాత్రి 11 గంట‌ల వ‌ర‌కు గ‌చ్చిబౌలి, దాని ప‌రిస‌ర ప్రాంతాల్లో ట్రాఫిక్ ఆంక్ష‌లు (Traffic Diversions) విధించారు.

ఈ స‌మ‌యంలో సాధార‌ణ వాహ‌నాల రాక‌పోక‌ల‌పై ప‌రిమితులు ఉంటాయ‌ని చెప్పారు. గ‌చ్చిబౌలి జంక్ష‌న్‌, ట్రిపుల్ ఐటీ (IIIT) జంక్ష‌న్‌, విప్రో స‌ర్కిల్ వైపు వెళ్లే మార్గాల్లో వాహ‌నాల దారిమ‌ళ్లింపులు ఉంటాయ‌ని చెప్పారు. ఈ నేప‌థ్యంలో వాహ‌న‌దారులు ప్ర‌త్యామ్నాయ మార్గాల్లో వెళ్లాల‌ని సూచించారు.

మ‌ళ్లింపులు ఇలా..

• గ‌చ్చిబౌలి జంక్ష‌న్ నుంచి లింగంప‌ల్లి వైపు వ‌చ్చే వాహ‌నాల‌ను ఐఐఐటీ జంక్ష‌న్ వ‌ద్ద దారి మ‌ళ్లించి విప్రో జంక్ష‌న్‌, గౌలిదొడ్డి, గోప‌న్‌ప‌ల్లి, న‌ల్ల‌గండ్లకు పంపిస్తారు.
• ఫైనాన్షియ‌ల్ డిస్ట్రిక్ట్‌, గోప‌న్‌ప‌ల్లి తండా, గ‌చ్చిబౌలి, క్యూసిటీ నుంచి ఐఐఐటీ జంక్ష‌న్ వైపు వ‌చ్చే వాహ‌నాల‌ను విప్రో జంక్ష‌న్ వ‌ద్ద దారిమ‌ళ్లిస్తారు.
• లింగంప‌ల్లి నుంచి గ‌చ్చిబౌలి, కొత్త‌గూడ‌, మెహిదీప‌ట్నం వైపు వ‌చ్చే వాహ‌నాలను బ‌స్‌డిపొ జంక్ష‌న్ వ‌ద్ద దారి మ‌ళ్లించి మ‌సీద్ బండ‌, శ్రీరామ్ న‌గ‌ర్‌, బొటానిక‌ల్ జంక్ష‌న్‌వైపు పంపిస్తారు.