Student Suicide | హోట‌ల్ మేనేజ్‌మెంట్ విద్యార్థి ఆత్మ‌హ‌త్య‌.. ప్రిన్సిపాల్ వేధింపులే కార‌ణ‌మా?

Student Suicide | త్రినేత్ర న్యూస్‌: హైదరాబాద్ ఎస్ఆర్ నగర్‌లోని (SR Nagar) ఓ హోట‌ల్‌ మేనేజ్‌మెంట్‌ కాలేజీలో విద్యార్థి ఆత్మ‌హ‌త్య‌కు (Student Suicide) పాల్ప‌డ్డారు. ప్రిన్సిపాల్ (Principal) వేధింపుల వ‌ల్లే అత‌డు బ‌ల‌వ‌న్మ‌రనానికి పాల్ప‌డ్డాడ‌ని తోటి విద్యార్థులు ఆరోపించారు.

భాను ప్ర‌కాశ్ రెడ్డి అనే విద్యార్థి ఎస్ఆర్ న‌గ‌ర్‌లోని అమృత ఇన్‌స్టిట్యూట్ ఆఫ్ హోటల్ మేనేజ్‌మెంట్ (Amrutha Hotel Management College) కాలేజీలో చ‌దువుతున్నాడు. కాలేజీ యాజమాన్యం ఇటీవ‌ల అత‌డిని సస్పెండ్ చేసిన‌ట్లు తెలుస్తున్న‌ది. దీంతో తీవ్ర మనస్తాపానికి గురైన అత‌డు శ‌నివారం ఉద‌యం కాలేజీలో ఆత్మ‌హ‌త్య‌కు పాల్ప‌డ్డాడు. కళాశాల యాజమాన్యం, నిర్వాహకులు తనను వేధించారని, భౌతికంగా దాడికి కూడా పాల్పడ్డారని ఆత్మహత్యకు ముందు త‌న కుటుంబ సభ్యుల ఎదుట వాపోయినట్లు సమాచారం. కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. కాగా, ప్రిన్సిపాల్ వేధింపుల కారణంగానే భాను ప్ర‌కాశ్ ఈ నిర్ణయం తీసుకున్నారని తోటి విద్యార్థులు ఆరోపిస్తున్నారు. బాధ్యుల‌పై చ‌ర్య‌లు తీసుకోవాలని డిమాండ్ చేస్తూ కాలేజీ ముందు నిరసనకు (Protest) దిగారు.