లోడ్ అవుతోంది...
Ganesh sunkari
Hyderabad | Jan 14, 2026, 6.21 am IST
త్రినేత్ర.న్యూస్: ఆమె బీటెక్ చదివింది. సాఫ్ట్వేర్ ఉద్యోగం (Software Engineer) కూడా చేసింది. అయితే భర్త అప్పుల పాలవడంతో.. ఆయనకు అండగా నిలుద్దామని అనుకుంది. వీలైనంత తొందరగా డబ్బు సంపాదించి తన జీవిత భాగస్వామిని అప్పుల ఊబి నుంచి బయటపడేయడానికి దొంగతనమే (Thief) మార్గమని భావించింది.. ఇకేముంది రంగంలోకి దిగింది.. ఈ ప్రయత్నంలో పోలీసులకు పట్టుబడింది.
వరంగల్కు చెందిన అనితారెడ్డి బీటెక్ వరకు చదివింది. అనంతరం చెన్నైలో సాఫ్ట్వేర్ ఉద్యోగం కూడా చేసింది. రెండేండ్ల క్రితం మేడ్చల్కు చెందిన రాజేశ్ను ప్రేమ పెండ్లి చేసుకుంది. కూతురు పుట్టడంతో ఉద్యోగం మానేసింది. తొలుత ఓ ఫైనాన్స్ సంస్థలో ఉద్యోగం చేసిన రాజేశ్.. ఆ తర్వాత పని మానేశాడు. ఈ క్రమంలో రూ.నాలుగైదు లక్షలు అప్పు చేశాడు. దీంతో అతడు అప్పులపాలయ్యామంటూ తరచూ బాధపడుతూ ఉండేవాడు. భార్త బాధను చూడలేకపోయిన అనిత.. అతనికి అండగా నిలబడాలని అనుకుంది. ఏదైనా చేయాలనుకుని దొంగతనం చేస్తే.. తొందరగా అప్పుల నుంచి బయటపడొచ్చని భావించింది.
దీనికి ఓ పథకం వేసింది. ఇందులో భాగంగా సోమవారం సాయంత్రం హైదరాబాద్ మియాపూర్కు చెందిన నల్ల కమల్ అనే వృద్ధురాలు అవంతినగర్ తోట కాలనీలోని తన ఇంటికి వచ్చి పైఅంతస్తుకు వెళ్లేందుకు లిఫ్ట్ ఎక్కింది. అప్పటికే అక్కడ కాపుకాస్తున్న అనిత.. లిఫ్ట్ తలుపులు మూసుకోక ముందే లోపలికి చెయ్యిపెట్టి ఆ వృద్ధురాలి మెడలో ఉన్న మంగళసూత్రం, నల్లపూసల గొలుసు తెంపేందుకు ప్రయత్నించింది. అయితే బాధితురాలు గట్టిగా అరవడంతో చేతికందిన అర తులం నల్లపూసల గొలుసు తెంచుకుని పారిపోయింది. సమాచారం అందుకున్న పోలీసులు సీసీ ఫుటేజీల ఆధారంగా అనితారెడ్డిని పట్టుకున్నారు. ఇంకేముంది.. భర్తను అప్పుల భారం నుంచి బయటపడేయాలనుకుని.. తాను జైలుపాలైంది.
జనవరి 13, 2026
జనవరి 13, 2026
జనవరి 13, 2026
Developed & Published by TRINETHRA MEDIA HOUSE PVT. LTD,
Sai Madhu Towers, Plot No. 17, Rohini Layout Rd, Jaihind Enclave, Madhapur, Hyderabad, Telangana 500081.
Copyright © 2025 . All rights reserved. - Powered by : Veegam