Secunderabad | బొల్లారంలో కిడ్నాప్‌న‌కు గురైన చిన్నారి హ‌త్య‌.. సెక్యూరిటీ గార్డుపై అనుమానం

Secunderabad | త్రినేత్ర న్యూస్‌: సికింద్రాబాద్‌లోని (Secunderabad) బొల్లారం పరిధి కౌకూర్‌లో దారుణం చోటుచేసుకుంది. శ‌నివారం రాత్రి కిడ్నాప్‌నకు గురైన ఆరేండ్ల‌ బాలిక హ‌త్య‌కు గురైంది. చిన్నారి కాళ్లు, చేతులు కట్టేసిన దుండ‌గుడు సంపులో పడేశాడు. పాప‌ను వాచ్‌మెన్ విక్ర‌మ్‌ చంపి ప‌డేసి ఉంటాడ‌ని పోలీసులు అనుమానిస్తున్నారు.

కౌకూర్‌లోని విల్లా ఆర్చిడ్స్‌ అపార్టుమెంట్‌లో శ‌నివారం రాత్రి 9 గంటల ప్రాంతంలో చిన్నారి సెల్లార్‌లో ఆడుకుంటుండగా అదృశ్యమైంది. దీంతో ఆమె కుటుంబ సభ్యులు పోలీసులకు ఫిర్యాదు చేశారు. గుర్తుతెలియని వ్యక్తి చిన్నారిని కిడ్నాప్‌ చేసినట్లు అనుమానిస్తున్నారు. సీసీ పుటేజీలో బాలిక వాచ్‌మెన్‌తో పాటు ఉండడాన్ని గుర్తించిన పోలీసులు.. ముఖ్యమైన ప్రాంతాలతో పాటు సికింద్రాబాద్‌ రైల్వేస్టేషన్‌లో అర్ధరాత్రి తనిఖీలు చేపట్టారు. కాగా, నిందితుడు కుటుంబసభ్యులను డబ్బులు డిమాండ్‌ చేసినట్టు సమాచారం. ఈ క్ర‌మంలో తాను ఎక్క‌డ దొరికిపోతాన‌నే భ‌యంతోనే చిన్నారిని అంత‌డు చంపిన‌ట్లు తెలుస్తున్న‌ది. అత‌ని కోసం పోలీసులు గాలింపు చేపట్టారు. ద‌ర్యాప్తులో భాగంగా ఇద్ద‌రు బీహారీల‌ను అదుపులోకి తీసుకుని ప్ర‌శ్నిస్తున్నారు.