Talasani Srinivas Yadav | ఘ‌న చ‌రిత్ర ఉన్న సికింద్రాబాద్ పేరు రూపుమాపేందుకు రేవంత్ కుట్ర‌లు: త‌ల‌సాని శ్రీ‌నివాస్ యాద‌వ్‌

Talasani Srinivas Yadav | ఎంతో చరిత్ర కలిగిన సికింద్రాబాద్ (Secunderabad) పేరును రూపు మాపేందుకు ముఖ్యమంత్రి (CM) రేవంత్ రెడ్డి (Revanth Reddy) కుట్రలు చేస్తున్నారని మాజీమంత్రి, సనత్ నగర్ ఎమ్మెల్యే తలసాని శ్రీనివాస్ యాదవ్ (Talasani Srinivas Yadav) ఆగ్రహం వ్యక్తం చేశారు. సికింద్రాబాద్ ప్రాంత ప్రజల అభిప్రాయాలను తెలుసుకోకుండా, ప్రజాప్రతినిధులు, రాజకీయ పార్టీలను సంప్రదించకుండా కాంగ్రెస్ ప్రభుత్వం ఏకపక్ష నిర్ణయాలు తీసుకోవడం నియంతృత్వ ధోరణికి నిదర్శనమని మండిపడ్డారు. ఇష్టానుసారంగా వ్యవహరిస్తూ ప్రజలను అనేక ఇబ్బందులకు గురి చేస్తోందని ద్వజమెత్తారు. శుక్రవారం వెస్ట్ మారేడ్ పల్లిలోని ఎమ్మెల్యే క్యాంప్ కార్యాలయంలో సికింద్రాబాద్, ముషీరాబాద్ ఎమ్మెల్యేలు పద్మారావు గౌడ్, ముఠా గోపాల్, మాజీ కార్పొరేషన్ ఛైర్మన్ గజ్జెల నగేష్, పలువురు కార్పొరేటర్లు, కంటోన్మెంట్ బోర్డ్ మాజీ సభ్యులు, పలు వ్యాపార, వాణిజ్య, కార్మిక సంఘాల ప్రతినిధులతో కలిసి మీడియా సమావేశం నిర్వహించారు. ఈ సందర్బంగా తలసాని శ్రీనివాస్ యాదవ్ మాట్లాడుతూ డివిజన్ల విభజన కూడా క్షేత్రస్థాయిలో పర్యటించకుండా ఆఫీస్లలో కూర్చొని గూగుల్ మ్యాప్ల ఆధారంగా ఏర్పాటు చేశారని వివరించారు. 150 డివిజన్ లు ఉంటే 300 కు పెంచి హైదరాబాద్, మల్కాజ్ గిరి, సైబరాబాద్ పేరుతో మూడు మున్సిపల్ కార్పొరేషన్లను ఏర్పాటు చేయాలని రేవంత్ రెడ్డి నాయకత్వంలోని కాంగ్రెస్ ప్రభుత్వం చర్యలు చేపడుతోందని అన్నారు. సికింద్రాబాద్ పేరుతో మున్సిపల్ కార్పొరేషన్ ఏర్పాటు చేసే వరకు దశల వారీగా అనేక ఆందోళన కార్యక్రమాలు అహింసా మార్గంలో నిర్వహిస్తామని తలసాని తెలిపారు. ముందుగా ఈ నెల 11వ తేదీన ఉదయం 11 గంటలకు బాలంరాయిలోని లీ ప్యాలెస్ లో సమావేశం నిర్వహిస్తామని ప్రకటించారు. సికింద్రాబాద్ ప్రాంత ప్రజల ఆత్మగౌరవం, చరిత్ర, సంస్కృతిని కాపాడుకునేందుకు జరిపే పోరాటానికి కలిసొచ్చే అన్ని రాజకీయ పార్టీలు, అన్ని వ్యాపార, వాణిజ్య, కార్మిక, కుల సంఘాలు, ఉద్యమ సంఘాల ప్రతినిధులు, సికింద్రాబాద్ ప్రాంతానికి చెందిన ప్రతి ఒక్కరూ ఈ సమావేశానికి హాజరుకావాలని పిలుపునిచ్చారు. 11న నిర్వహించే సమావేశంలో భవిష్యత్ కార్యాచరణపై చర్చించనున్నట్లు తెలిపారు. 17న సికింద్రాబాద్ రైల్వే స్టేషన్ నుండి క్లాక్ టవర్, ప్యాట్నీ, ప్యారడైజ్ సర్కిల్ల మీదుగా ఎంజీ రోడ్ లోని మహాత్మాగాంధీ విగ్రహం వరకు 10 వేల మందితో భారీ ర్యాలీ నిర్వహిస్తామని తెలిపారు. ఆ తర్వాత సికింద్రాబాద్ స్టేషన్ ను ముట్టడిస్తామని చెప్పారు. అవసరమైతే బంద్ లు, ధర్నాలు నిర్వహిస్తామన్నారు. అప్పటికి ప్రభుత్వం స్పందించకపోతే సెక్రటేరియట్ను ముట్టడిస్తామని హెచ్చరించారు. ముఖ్యమంత్రికి దమ్ముంటే హైదరాబాద్ పేరు మార్చాలని సవాల్ చేశారు. 220 సంవత్సరాలకు పైగా చరిత్ర కలిగిన సికింద్రాబాద్ పేరుతో కాకుండా వేరొక పేరుతో కార్పొరేషన్ ఏర్పాటు చేస్తామంటే ఊరుకునే ప్రసక్తే లేదని స్పష్టం చేశారు. మీడియా సమావేశంలో కార్పొరేటర్లు కొలను లక్ష్మీ, టి. మహేశ్వరి, కూర్మ హేమలత, సామల హేమ, ప్రసన్నలక్ష్మి, కంది శైలజ, రాసూరి సునీత, మాజీ కార్పొరేటర్ నామన శేషుకుమారి, లష్కర్ జిల్లా సాధన సమితి అధ్యక్షుడు గుర్రం పవన్ కుమార్ గౌడ్, ప్రధాన కార్యదర్శి శాదం బాలరాజ్ యాదవ్, బీఆర్ఎస్ పార్టీ డివిజన్ అధ్యక్షులు కొలన్ బాల్ రెడ్డి, అత్తిలి శ్రీనివాస్ గౌడ్, ఆకుల హరికృష్ణ, శ్రీనివాస్ గౌడ్, వెంకటేశన్ రాజు, నాయకులు తలసాని స్కైలాబ్ యాదవ్, నాగులు, కిషోర్ కుమార్, శ్రీహరి, నరేందర్, మహేష్ కుమార్ యాదవ్, ఆంజనేయులు, శేఖర్ తదితరులు పాల్గొన్నారు. పలు సంఘాల మద్ధతు సికింద్రాబాద్ మున్సిపల్ కార్పొరేషన్ ఏర్పాటు కోసం నిర్వహించే పోరాటానికి తమ సంపూర్ణ మద్దతును తెలుపుతూ పలు సంఘాల ప్రతినిధులు తమ తీర్మానాలను ఎమ్మెల్యేలు తలసాని శ్రీనివాస్ యాదవ్, పద్మారావు గౌడ్ లకు అందజేశారు. తలసాని శ్రీనివాస్ యాదవ్ క్యాంపు కార్యాలయంలో ఏర్పాటు చేసిన సమావేశానికి సికింద్రాబాద్ పార్లమెంట్ పరిధిలోనే కాకుండా కంటోన్మెంట్ నియోజకవర్గ పరిధిలోని సుమారు 35కు పైగా వ్యాపార, వాణిజ్య, కార్మిక, కుల సంఘాల ప్రతినిధులు హాజరై తమ సంపూర్ణ మద్దతును తెలిపారు. ఈ సందర్బంగా పలువురు ప్రతినిధులు మాట్లాడుతూ సికింద్రాబాద్ ప్రాంత వాసులుగా ఇక్కడే పుట్టి పెరిగామని, మా అస్తిత్వాన్ని దెబ్బ తీస్తామంటే ఊరుకునేది లేదని స్పష్టం చేశారు. తలసాని శ్రీనివాస్ యాదవ్ ఆధ్వర్యంలో నిర్వహించే అన్ని పోరాటాలలో తాము భాగస్వాములమవుతామని ప్రకటించారు. అన్ని వర్గాల ప్రజలు, సంఘాలు, పార్టీలను కలుపుకొని సికింద్రాబాద్ మున్సిపల్ కార్పొరేషన్ ఏర్పాటు చేసే వరకు పోరాటాన్ని కొనసాగిస్తామని స్పష్టం చేశారు. మద్దతు తెలిపిన సంఘాల ప్రతినిధులకు తలసాని అభినందనలు తెలిపారు. పాట్ మార్కెట్ మార్వాడీ అసోసియేషన్, మోండా మార్కెట్ రిటైల్ వెజిటెబుల్ అసోసియేషన్, సికింద్రాబాద్ క్లాత్ మర్చంట్స్ అసోసియేషన్, ప్రైవేట్ అంబులెన్స్ సర్వీస్ అసోసియేషన్, బెంగాలీ సమాజ్, పేపర్ మర్చంట్స్ అసోసియేషన్, నాయీ బ్రాహ్మణ సేవా సంఘం, ప్రభుత్వ గుర్తింపు పొందిన స్కూల్స్ అసోసియేషన్, స్వప్న లోక్ అసోసియేషన్, రాణి గంజ్ మినీ గూడ్స్ వెహికల్స్ అసోసియేషన్, విశ్వకర్మ సంఘం, మేరు సంఘం, బోయిన్ పల్లి కూరగాయల మార్కెట్ హమాలీ సంఘం, తెలంగాణ యాదవ సంక్షేమ సంఘం, హాకర్స్ యూనియన్, జనరల్ మర్చంట్స్ అసోసియేషన్, బోయిన్ పల్లి వెజిటెబుల్ మార్కెట్ మినీ గూడ్స్, డ్రైవర్స్ అసోసియేషన్, సుభాష్ రోడ్ రిటైల్ క్లాత్ మర్చంట్స్ అసోసియేషన్, జనరల్ బజార్ అండ్ పాట్ మార్కెట్ గోల్డ్ అండ్ సిల్వర్ టెస్టింగ్ అసోసియేషన్, పాట్ మార్కెట్ జ్యువెలర్స్ అసోసియేషన్, సింధీ కాలనీ షాపింగ్ కాంప్లెక్స్ అసోసియేషన్ తదితర సంఘాలు సికింద్రాబాద్ మున్సిపల్ కార్పొరేషన్ సాధన ఉద్యమంలో పాల్గొంటామని ప్రకటించాయి.

Talasani Srinivas Yadav | ఘ‌న చ‌రిత్ర ఉన్న సికింద్రాబాద్ పేరు రూపుమాపేందుకు రేవంత్ కుట్ర‌లు: త‌ల‌సాని శ్రీ‌నివాస్ యాద‌వ్‌

FOLLOW US

ట్యాగ్స్:

సంబంధిత వార్తలు

Harish Rao | సిద్దిపేట జిల్లాను రద్దు చేస్తే ఊరుకోం.. రేవంత్ రెడ్డికి హ‌రీశ్‌రావు హెచ్చ‌రిక‌

Manne Krishank | ప్ర‌తిప‌క్ష నేత‌గా కాంట్రాక్ట‌ర్ల‌పై ఆరోప‌ణ‌లు.. సీఎంగా వారికే కాంట్రాక్టులు: మ‌న్నె క్రిశాంక్‌

Niranjan Reddy | వరి ఉత్పత్తిలో తెలంగాణ నంబర్ వన్.. కేసీఆర్ పదేళ్ల పాలన ఫలితమే ఈ విజయం

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Investment On Gold | డిజిట‌ల్ గోల్డ్ వ‌ర్సెస్ ఫిజిక‌ల్ గోల్డ్‌.. బంగారాన్ని ఏ రూపంలో కొంటే మంచిది..?

Rat Poison | రాత్రి పూట ఎలుక‌ల విషాన్ని ఆర్డ‌ర్ చేసింది.. డెలివ‌రీ బాయ్ విష‌యాన్ని ప‌సిగట్టాడు..

WPL 2026 | డ‌బ్ల్యూపీఎల్ తొలి మ్యాచ్‌.. బోణీ కొట్టిన ఆర్‌సీబీ వుమెన్స్ జ‌ట్టు..

POPULAR LINKS

Daily Life Tips | అసంపూర్ణ సమాచారంతో పనిచేస్తే ధ‌నుస్సు రాశివారికి ఇబ్బందులు త‌ప్ప‌వు!

iPhone | ఐఫోన్ కొనాల‌నే క‌ల‌.. ఆ యువ‌తిని దొంగ‌గా మార్చింది..