Farmhouse | పుట్టినరోజు వేడుకలకు వెళ్లి.. ఫామ్‌హౌస్‌లో రిటైర్డ్‌ ఎస్ఐ కుమారుడు అనుమానాస్ప‌ద మృతి

Farmhouse | త్రినేత్ర న్యూస్‌: స్నేహితుడి పుట్టినరోజు వేడుకలకు (Birthday Party) వెళ్లిన యువకుడు మృతి చెందిన ఘటన మేడ్చ‌ల్ జిల్లా ఘట్కేసర్‌లో చోటుచేసుకుంది. ఉప్ప‌ల్ భ‌గాయ‌త్‌కు చెందిన రిటైర్డ్ ఎస్ఐ (Retired SI) సీ. ప్ర‌వీణ్ కుమార్ కుమారుడు కృష్ణ కౌండిన్య (21) నారాయణగూడలోని కేశవ మెమోరియల్ కళాశాలలో బీటెక్ పూర్తి చేశారు. ఈ నెల 24న సాయంత్రం 7.30 గంటల సమయంలో కృష్ణ కౌండిన్య తన స్నేహితుడు ఘన్‌కోట్ రిషబ్ పుట్టిన‌రోజు వేడుల్లో పాల్గొనేందుకు ఘట్‌కేసర్ ప‌రిధిలోని ఏదులాబాద్‌లో ఉన్న లివిన్ ఫామ్‌హౌస్‌కు (Farmhouse) వెళ్లాడు.

అయితే ఆదివారం ఉదయం 10 గంటలకు ప్రవీణ్ కుమార్‌కు ఫోన్ చేసిన‌ కృష్ణ కౌండిన్య స్నేహితులు.. అత‌డు అపస్మారక స్థితిలో పడిపోయాడని, తాము అతడిని ఘట్‌కేసర్ (Ghatkesar) ప్రభుత్వ ద‌వాఖాన‌కు తరలించామని వెల్ల‌డించారు. వెంటనే కుటుంబ సభ్యులు హాస్పిట‌ల్‌కు చేరుకోగా, అప్పటికే కృష్ణ కౌండిన్య మృతి చెందినట్లు వైద్యులు ధ్రువీకరించారు. అయితే త‌న కుమారుడి మృతిపై అనుమానాలు ఉన్నాయని తండ్రి ప్రవీణ్ కుమార్ ఘట్‌కేసర్ పోలీస్ స్టేషన్‌లో ఫిర్యాదు చేశారు. దీంతో అనుమానాస్పద మృతిగా (Suspicious Death) కేసు నమోదు చేసిన పోలీసులు దర్యాప్తు ప్రారంభించారు. అసలు ఆ పుట్టినరోజు వేడుకల్లో ఏం జరిగింది? మరణానికి గల కారణాలు ఏమిటి? అనే కోణంలో ఆరాతీస్తున్నారు.