Air India Flight | టేకాఫ్ అయిన 5 నిమిషాల‌కే ఎమ‌ర్జెన్సీ ల్యాండింగ్‌.. శంషాబాద్‌లో ఎయిర్‌ ఇండియా విమానానికి తప్పిన ప్రమాదం

Air India Flight | త్రినేత్ర న్యూస్‌: శంషాబాద్‌లో (Shamshabad) ఎయిర్‌ ఇండియా విమానానికి (Air India Flight) పెను ప్రమాదం తప్పింది. 109 మంది ప్రయాణికులతో హైద‌రాబాద్ నుంచి ముంబైకి బయల్దేరిన ఏఐ 417 విమానంలో టేకాఫ్ అయిన కొద్దిసేప‌టికే సాంకేతిక (Technical Issue) లోపం తలెత్తింది. టేకాఫ్‌ అయిన 5 నిమిషాలకే సమస్యను గుర్తించిన పైలట్ అప్ర‌మ‌త్త‌మ‌య్యారు. వెంటనే ఏటీసీకి సమాచారం అందించారు. అధికారుల సూచనతో విమానాన్ని తిరిగి శంషాబాద్‌ ఎయిర్‌పోర్ట్‌కి మ‌ళ్లించారు. అనంత‌రం విమానాన్ని ఎమర్జెన్సీ ల్యాండింగ్ (Emergency Landing) చేశారు. సాంకేతిక సిబ్బంది విమానాన్ని పరిశీలిస్తున్నారు.

పైల‌ట్ అప్ర‌మ‌త్త‌తో విమానంలోని 109 మంది ప్ర‌యాణికులు సురక్షితంగా బ‌య‌ట‌ప‌డ్డారు. దీంతో అధికారులు, ప్ర‌యాణికులు ఊపిరిపీల్చుకున్నారు. విమానంలో సాంకేతిక లోపానికి గ‌ల కార‌ణాల‌పై ఎయిర్‌పోర్టు అధికారులు విచార‌ణ జ‌రుపుతున్నారు.