Hyderabad | అతివేగం.. బేగంపేట ఫ్లైఓవర్‌పై డివైడ‌ర్‌ను ఢీకొని కారు బోల్తా..

త్రినేత్ర‌.న్యూస్‌: హైద‌రాబాద్‌లోని (Hyderabad) బేగంపేట ఫ్లైఓవ‌ర్‌పై (Begumpet Flyover) కారు బోల్తా ప‌డింది. ఈ ప్ర‌మాదంలో న‌లుగురు గాయ‌ప‌డ్డారు. బుధ‌వారం ఉద‌యం సికింద్రాబాద్ నుంచి పంజాగుట్ట‌వైపు వెళ్తున్న ఓ కారు (TS 8 UA 1482) అదుపుత‌ప్పి డివైడ‌ర్‌ను ఢీకొని బోల్తా ప‌డింది. దీంతో అందులో ప్ర‌యాణిస్తున్న న‌లుగురు తీవ్రంగా గాయ‌ప‌డ్డారు. స‌మాచారం అందుకున్న పోలీసులు హుటాహుటిన ఘ‌ట‌నా స్థ‌లానికి చేరుకుని స‌హాయ‌క చ‌ర్య‌లు చేప‌ట్టారు. గాయ‌ప‌డిన వారిని ద‌వాఖాన‌కు త‌ర‌లించారు.

కారు రోడ్డుకు అడ్డంగా ప‌డిపోవ‌డంతో భారీగా ట్రాఫిక్ జామ్ అయింది. దీంతో కారును ప‌క్క‌కు తొల‌గించి వాహ‌నాల‌ను క్లియ‌ర్ చేస్తున్నారు. ఈ ఘ‌ట‌న‌కు సంబంధించి పూర్తి వివ‌రాలు తెలియాల్సి ఉన్న‌ది.