Ponnam Prabhakar | తెలంగాణ సంస్కృతి, సంప్రదాయాలకు ప్రతీక బోనాలు: మంత్రి పొన్నం ప్ర‌భాక‌ర్‌

హైదరాబాద్ నగరానికి సంబంధించి బోనాల ఉత్సవాల్లో ప్రజల ఆకాంక్షలకు అనుగుణంగా అన్ని ఏర్పాట్లు చేశామ‌ని వెల్ల‌డించారు. ఆతిథ్యం ఇవ్వడంలో న‌గ‌ర ప్రజలు ముందుంటారని చెప్పారు. కులాలకతీతంగా మతలకతీతంగా బోనాల ఉత్సవాల్లో భాగస్వామ్యమై జరుపుకుంటార‌ని పేర్కొన్నారు. ఆర్టీసీలో మహిళలకు ఉచిత బస్సు ప్రయాణం సందర్భంగా భక్తుల రద్దీ కూడా పెరుగుతుంద‌ని చెప్పారు. గతంలో ఈ ప్రాంతంలో అనేక విపత్తులు వచ్చినా అమ్మవారు ఆదుకున్నార‌ని తెలిపారు. ప్రజలందరికి అమ్మవారి ఆశీర్వాదం ఉండాల‌న్నారు. ప్ర‌స్తుతం కూడా ఎల్ నినో విపత్తు వచ్చినా.. ఎలాంటి ఇబ్బందులు కలగవద్దని బోనాల ఉత్సవాల సందర్భంగా అన్ని దేవాలయాల్లో ప్రత్యేక పూజలు నిర్వహించామ‌న్నారు. ప్రకృతి వైపరీత్యం వచ్చినా తెలంగాణపై అమ్మవారి ఆశీర్వాదంతో మంచి వర్షాలు కురుస్తాయ‌ని త‌మకు విశ్వాసం ఉంద‌ని చెప్పారు. రాష్ట్ర ప్రజలందరికీ శుభాకాంక్షలు తెలిపారు.

సికింద్రాబాద్ శ్రీ ఉజ్జయిని మహంకాళి బోనాల ఉత్సవాల సందర్భంగా కుటుంబ సమేతంగా అమ్మవారికి తొలి బోనం సమర్పించి ప్రత్యేక పూజలు చేయడం జరిగింది pic.twitter.com/JXh1TFM05N

— Ponnam Prabhakar (@Ponnam_INC) August 2, 2026