Mega Job Mela | జూన్ 1న‌ హైద‌రాబాద్‌లో మెగా జాబ్ మేళా

Mega Job Mela | త్రినేత్ర‌.న్యూస్ : జూన్ 1వ తేదీన హైద‌రాబాద్ న‌గ‌రంలో మెగా జాబ్ మేళా నిర్వ‌హించ‌నున్నారు. మెహిదీప‌ట్నంలోని పీవీఎన్ఆర్ ఎక్స్‌ప్రెస్‌వే పిల్ల‌ర్ నంబ‌ర్ 67కు స‌మీపంలోని కింగ్స్ ప్యాలెస్‌లో సోమవారం ఉద‌యం 7 గంట‌ల నుంచి మ‌ధ్యాహ్నం 12.30 గంట‌ల వ‌ర‌కు జాబ్ మేళా కొన‌సాగ‌నుంది.

జాబ్ మేళా నిర్వాహ‌కులు మ‌న్న‌న్ ఖాన్ మాట్లాడుతూ.. అనేక కంపెనీలు ఈ జాబ్ మేళాలో పాల్గొంటున్నాయ‌ని, నిరుద్యోగ అభ్య‌ర్థులు ఈ అవ‌కాశాన్ని స‌ద్వినియోగం చేసుకోవాల‌న్నారు. ఫార్మా, హెల్త్ కేర్, ఐటీ అండ్ ఐటీఈఎస్, ఎడ్యుకేష‌న్, బ్యాంకింగ్ వంటి రంగాల‌కు చెందిన కంపెనీలు వ‌స్తాయ‌న్నారు. ఇందులో చాలా కంపెనీలు వ‌ర్క్ ఫ్రం హోం అవ‌కాశం క‌ల్పిస్తున్నాయ‌ని తెలిపారు.

ఈ జాబ్ మేళాకు హాజ‌రు కావాల‌నుకునే అభ్య‌ర్థులు క‌నీసం ప‌ది పాసై ఉండాలి. అవ‌స‌ర‌మైతే ఇంట‌ర్వ్యూలు కూడా నిర్వ‌హించ‌నున్నారు. త‌దిత‌ర వివ‌రాల కోసం 8374315052 నంబ‌ర్‌ను సంప్ర‌దించొచ్చు.