CP Sumathi | నకిలీ డాక్యుమెంట్లతో స్థలాల రిజిస్ట్రేషన్.. ముఠా అరెస్ట్

CP Sumathi | త్రినేత్ర న్యూస్ : సికింద్రాబాద్‌లో నకిలీ డాక్యుమెంట్లతో స్థలాలను రిజిస్ట్రేషన్ చేసుకుంటున్న ముఠాను ఎస్‌వోటీ పోలీసులు( SOT Police ) అరెస్ట్ చేసిన‌ట్లు మ‌ల్కాజ్‌గిరి సీపీ సుమ‌తి( CP Sumathi ) పేర్కొన్నారు. 1982 నాటి డాక్యుమెంట్లను సైతం సృష్టించి.. నకిలీ GPA డాక్యుమెంట్ల‌ను ముఠా త‌యారు చేసిన‌ట్లు తెలిపారు. ప‌లు ర‌కాల సేల్ డీడ్‌ల‌తో అమెరికాతో పాటు ఇత‌ర దేశాల్లో ఉన్న వారి ఆస్తుల‌ను ముఠా కాజేసింద‌న్నారు. ఈ ముఠా స‌భ్యుల నుంచి ప‌లు స్టాంప్ పేప‌ర్లు, స్టాంపుల‌ను స్వాధీనం చేసుకున్నారు. 8 చోట్ల నకిలీ డాక్యుమెంట్లతో మార్టిగేజ్ ప్రాపర్టీలను రిలీజ్ చేసినట్లు గుర్తించారు. ప్రాపర్టీల నకిలీ దందాపై ఫోకస్ పెట్టాం.. తప్పు చేసే వారిపై పీడీ యాక్ట్ పెడతాం అని సీపీ సుమతి హెచ్చ‌రించారు.