Liquor Shops | అబ్బా.. హైద‌రాబాద్‌లో మ‌ళ్లీ వైన్స్ బంద్

Liquor Shops | త్రినేత్ర‌.న్యూస్ : మ‌రోసారి హైద‌రాబాద్ న‌గ‌రంలో మ‌ద్యం దుకాణాలు( Liquor Shops ) మూత‌ప‌డనున్నాయి. లాల్‌ద‌ర్వాజా మ‌హంకాళి బోనాల పండుగ నేప‌థ్యంలో ఈ నెల 9, 10 తేదీల్లో న‌గ‌ర వ్యాప్తంగా మ‌ద్యం దుకాణాల‌ను మూసివేయాల‌ని హైద‌రాబాద్ సీపీ స‌జ్జ‌నార్ తెలిపారు. రాజేంద్ర‌న‌గ‌ర్, గోల్కొండ జోన్స్ ప‌రిధిలో ఆగ‌స్టు 9న ఉద‌యం 10 గంట‌ల ఉంచి 10న ఉద‌యం 10 గంట‌ల వ‌ర‌కు, చార్మినార్ జోన్ ప‌రిధిలో 9న ఉద‌యం 10 నుంచి 11న ఉద‌యం 10 గంట‌ల వ‌ర‌కు వైన్ షాపులు మూసి ఉంచాల‌ని ఆదేశించారు. మ‌ద్యం దుకాణాల‌తో పాటు క‌ళ్లు దుకాణాలు, బార్లు, రెస్టారెంట్లు కూడా మూసి ఉంచాల‌న్నారు. నిబంధ‌న‌లు ఉల్లంఘించిన వారిపై క‌ఠిన చ‌ర్య‌లు తీసుకుంటామ‌ని హెచ్చ‌రించారు.