Hyderabad | కూక‌ట్‌ప‌ల్లి కింగ్స్ అండ్ క్వీన్స్ ప‌బ్‌లో గ‌లీజ్ ప‌నులు.. విటులు, యువ‌తులు అరెస్ట్‌

Hyderabad | త్రినేత్ర‌.న్యూస్‌: హైద‌రాబాద్‌లోని (Hyderabad )ప‌బ్‌లు అసాంఘిక కార్య‌క‌లాపాల‌కు అడ్డాగా మారుతున్నాయి. వీకెండ్ వ‌చ్చిందంటే చాలు డ్ర‌గ్స్‌, అమ్మాయిల‌ను ఎర‌గా వేసి యువ‌త‌ను ఆక‌ర్షిస్తున్నాయి. ఇదే కోవ‌లోకి కూక‌ట్‌ప‌ల్లిలోని (Kukatpally) కింగ్స్ అండ్ క్వీన్ ప‌బ్ (Kings and Queens Resto Bar) కూడా చేరింది. క‌స్ట‌మ‌ర్ల‌ను ఆక‌ర్షించేందుకు ప్ర‌త్యేకంగా అమ్మాయిల‌ను ఏర్పాటు చేసింది. వారితో చాటింగ్ చేపించి యువ‌కుల‌ను ప‌బ్‌కు వ‌చ్చేలా చేస్తున్న‌ది. అర్ధ‌రాత్రి వ‌ర‌కు గాజా బ‌జానాతో హంగామా చేస్తున్న‌ది.

ఈ క్ర‌మంలో నిబంధ‌న‌ల‌కు విరుద్ధంగా తెల్ల‌వార్లూ న‌డుస్తున్న‌ది. దీంతో ఆదివారం తెల్ల‌వారుజామున డీసీపీ రితిరాజ్ ఆక‌స్మికంగా ప‌బ్‌లో త‌నిఖీలు నిర్వ‌హించారు. ఈ సంద‌ర్భంగా ప‌బ్‌లో విటుల‌తోపాటు యువ‌కుల‌ను అదుపులోకి తీసుకున్నారు. ప‌బ్ య‌జ‌మానికి కూడా అరెస్టు చేశారు. ప‌బ్‌కు ర‌ప్పించేందుకు అమ్మాయిల‌తో యువ‌కుల‌కు ఎర‌వేస్తున్న‌ట్లు గుర్తించారు. ఏడాది క్రితం కూడా ఇదే ప‌బ్‌లో పోలీసులు దాడులు నిర్వ‌హించారు. ఈ సంద‌ర్భంగా పెద్ద సంఖ్య‌లో యువ‌తులు, యువ‌కుల‌ను అదుపులోకి తీసుకున్నారు.