త్రినేత్ర News Logo
DIGITAL-NEWS

KP Vivekananda | కొంతమందికే మొక్కుబడిగా కొత్త పెన్షన్లు.. అర్హులైన చాలా మందికి మొండిచేయి

KP Vivekananda | కొత్తవారికి సామాజిక భద్రత ఫించన్లు (Pensions) ఇస్తామని దరఖాస్తులు తీసుకుని కేవలం కొంతమందికే మొక్కుబడిగా ఇస్తున్నార‌ని ఎమ్మెల్యే, శాస‌న‌స‌భ‌లో బీఆర్ఎస్‌ విప్ కేపీ వివేకానంద (KP Vivekananda) ఆరోపించారు.

S

Hyderabad | Published On Nov 18, 2026, 3.46 pm IST

KP Vivekananda | కొంతమందికే మొక్కుబడిగా కొత్త పెన్షన్లు.. అర్హులైన చాలా మందికి మొండిచేయి
Advertisement
  • రాష్ట్రంలో మోసపూరిత పాలన సాగుతోంది
  • మండిపడిన ఎమ్మెల్యే కేపీ వివేకానంద‌

KP Vivekananda | త్రినేత్ర న్యూస్‌:  కొత్తవారికి సామాజిక భద్రత ఫించన్లు (Pensions) ఇస్తామని దరఖాస్తులు తీసుకుని కేవలం కొంతమందికే మొక్కుబడిగా ఇస్తున్నార‌ని ఎమ్మెల్యే, శాస‌న‌స‌భ‌లో బీఆర్ఎస్‌ విప్ కేపీ వివేకానంద (KP Vivekananda) ఆరోపించారు. అర్హులైన చాలామందికి ఫించన్లు దూరం చేశారని మండిప‌డ్డారు. కుత్బుల్లాపూర్ (Quthbullapur) సామాజిక భద్రత ఫించన్ల పంపిణీ సభలో వివేకానంద మాట్లాడుతూ కొత్త వృద్ధాప్య ఫించన్ల సంగతి అస‌లు మ‌రిచిపోయార‌ని ఆగ్ర‌హం వ్య‌క్తం చేశారు. లబ్ధిదారుల ఎంపికలో రాజకీయ జోక్యం ఎక్కువైందని ఆవేద‌న వ్య‌క్తం చేశారు.

రాష్ట్రంలో మోసపూరిత పాలన సాగుతోందని దుయ్య‌బ‌ట్టారు. మోసపూరిత కాంగ్రెస్ ఖాళీ కావడం ఖాయమ‌ని అన్నారు. కాంగ్రెస్ నుంచి పోటీచేసేందుకు అభ్యర్థులు ముందుకు రాని పరిస్థితి రాబోతోందని జోస్యం చెప్పారు. ఇప్ప‌టికే కాంగ్రెస్ ఎమ్మెల్యేలు కూడా రేవంత్ పాలనపై తిరగబడుతున్నారని గుర్తు చేశారు. పాలన అవినీతి మయమైందని కాంగ్రెస్ ఎమ్మెల్యేలు బహిరంగంగానే విమర్శిస్తున్నారని ఎద్దేవా చేశారు. ప్రజలను ఎల్లకాలం మోసం చేయలేరని అభిప్రాయ‌ప‌డ్డారు. ఈ ప్రభుత్వానికి రోజులు దగ్గరపడ్డాయని అన్నారు. అర్హులైన వారందరికీ ఫించన్లు వచ్చేలా బీఆర్ఎస్ పోరాడుతుందని స్ప‌ష్టం చేశారు.

Advertisement
Advertisement