World QS Rankings | ప్రపంచ ర్యాంకింగ్స్‌లో స‌త్తా చాటిన‌ ఐఐటీహెచ్‌

World QS Rankings | త్రినేత్ర‌.న్యూస్‌: ఐఐటీ హైద‌రాబాద్ (IIT H) అంత‌ర్జాతీయ స్థాయిలో స‌త్తా చాటింది. ఇంజినీరింగ్, టెక్నాలజీ యూని వర్సిటీల ర్యాంకింగ్స్‌లో (World QS Rankings) రికార్డు స్థాయి వృద్ధిని న‌మోదుచేస్తూ ప్రపంచంలోనే 395వ స్థానంలో నిలిచింది. 2026 ఏడాదికి సంబంధించిన ర్యాంకింగ్స్‌ను క్యూఎస్ సంస్థ విడుద‌ల చేసింది. 2025లో ఈ సంస్థ 501–550 ర్యాంకింగ్‌లో ఉండగా, ఒక్క ఏడాదిలోనే వందకుపైగా స్థానాల‌ను మెరుగుప‌ర‌చుకోవ‌డం విశేషం. ఆరు ఇంజినీరింగ్‌ విభాగాల్లో ప్రపంచంలోనే టాప్‌–300లో నిలిచింది. మొత్తం 9 సబ్జెక్టులు గ్లోబల్‌ ర్యాంకింగ్స్‌లో చోటు సంపాదించా యి. మెకానికల్, కంప్యూటర్‌ సైన్స్, ఇన్ఫర్మేషన్‌ సిస్ట మ్స్, ఫిజిక్స్, ఆస్ట్రానమీ వంటి విభాగాలు మరింత వృద్ధిని సాధించాయి.

బ్రిటన్‌కు చెందిన క్వాక్వేరెల్లి సైమండ్స్‌ అనే సంస్థ ఈ క్యూఎస్‌ ర్యాంకింగ్‌లు (QS World University Rankings) ఇస్తుంది. ఆయా వర్సి టీల అకడమిక్స్, పరిశోధనలు, ఆవిష్కరణలు, ప్లేస్‌మెంట్స్‌, అంతర్జా తీయ సంబంధాలు వంటి అంశాల ఆధారంగా ర్యాంకులు ప్రకటిస్తుంది. ప్రపంచవ్యాప్తంగా ఆరు వేలకు పైగా విద్యాసంస్థలను విశ్లేషించిన క్యూఎస్‌ సంస్థ ఐఐటీహెచ్‌ను అత్యుత్తమ కేంద్రాలలో ఒకటిగా గుర్తించింది.

ఇక ఈ జాబితాలో టాప్ 50లో ఐఐటీ బాంబే 44వ స్థానంలో నిలువ‌గా, ఐఐటీ ఢిల్లీ 45వ ర్యాంకు సాంధించింది. మెటీరియ‌ల్ అండ్ మైనింగ్ ఇంజినీరింగ్‌ విభాగంలో ఇండియ‌న్ స్కూల్ ఆఫ్ మైన్స్‌ (ISM) ధ‌న్‌బాద్ 21వ ర్యాంకు, బిజినెస్ అండ్ మేనేజ్‌మెంట్ స్ట‌డీస్, మార్కెటింగ్ విభాగంలో ఐఐఎం అహ్మ‌దాబాద్ 21 ర్యాంకు సాధించింది.

విద్య, పరిశోధన నైపుణ్యాలకు ఐఐటీహెచ్‌ పెద్దపీట వేస్తుందనడానికి ఈ ర్యాంకులే నిదర్శనమని ఐఐటీహెచ్‌ డైరెక్టర్ ప్రొఫెస‌ర్ బీఎస్ మూర్తి అన్నారు. అధ్యాపకులు, విద్యా ర్థులు కలి సి అకడమిక్స్, పరిశోధనలు, ఆవిష్కర ణలో చేసిన కృషితోనే ఇది సాధ్యమైంద‌ని చెప్పారు.

హెచ్‌సీయూ కూడా..

హైద‌రాబాద్ సెంట్ర‌ల్ యూనిర్సిటీ (HCU) కూడా అంతర్జాతీయంగా ఏడు సబ్జెక్టుల్లో మంచి గుర్తింపు లభించింది. ప్రపంచవ్యాప్తంగా 1,700కు పైగా యూనివ‌ర్సిటీల్లో 55 అకడమిక్‌ విభాగాల్లో విద్యార్థులు తీసుకున్న 18,300కు పైగా వ్యక్తిగత ప్రోగ్రామ్‌ల పనితీరుపై క్యూఎస్‌ వరల్డ్‌ ర్యాంకులు ఇచ్చింది. ఇందులో హెచ్‌ సీయూ.. లింగ్విస్టిక్స్‌ (151–200), ఇంగ్లిష్‌ భాష– లిటరేచర్‌ (251–300), సోషియాలజీ (251–300), పొలిటికల్‌ సైన్స్‌ (301–400), కెమిస్ట్రీ (401–450), ఎకనామిక్స్‌–ఎకానోమెట్రిక్స్‌ (501– 550), బయో లాజికల్‌ సైన్సెస్‌ (651–700) సబ్జె క్టుల్లో మంచి ర్యాంకులు వచ్చాయి.