Ganja Seize | హైద‌రాబాద్‌లో రూ. 12 కోట్ల విలువైన గంజాయి సీజ్

Ganja Seize | త్రినేత్ర‌.న్యూస్ : రాష్ట్రంలో గంజాయితో పాటు ఇత‌ర మ‌త్తు ప‌దార్థాల‌పై ఉక్కుపాదం మోపేందుకు కాంగ్రెస్ ప్ర‌భుత్వం చ‌ర్య‌లు చేప‌ట్టిన సంగ‌తి తెలిసిందే. ఈ క్ర‌మంలోనే తెలంగాణ ఈగ‌ల్ పోలీసులు భారీ ఆప‌రేష‌న్ నిర్వ‌హించారు. దాదాపు నెల రోజుల పాటు నిఘా పెట్టి.. ఇంట‌ర్నేష‌న‌ల్ డ్ర‌గ్స్ స్మ‌గ్లింగ్ ముఠాను ఈగ‌ల్ టీమ్ అదుపులోకి తీసుకుంది.

ఈ ఆప‌రేష‌న్‌లో భాగంగా కీల‌క నిందితుడితో పాటు 10 మంది డ్ర‌గ్ స్మ‌గ్ల‌ర్ల‌ను పోలీసులు అరెస్టు చేశారు. నిందితుల నుంచి రూ.12కోట్ల విలువైన హైడ్రోఫోనిక్‌ గంజాయి స్వాధీనం చేసుకున్నారు. ఈ ముఠా ప్రధానంగా థాయిలాండ్‌ నుంచి హైదరాబాద్‌కు గంజాయి సరఫరా చేస్తున్నట్టు పోలీసుల దర్యాప్తులో తేలింది.