Saudi Arabia | రియాద్ ఎయిర్‌పోర్టుపై క్షిప‌ణి దాడి.. హైద‌రాబాద్ వాసి మృతి

Saudi Arabia | త్రినేత్ర న్యూస్ : సౌదీ అరేబియాలోని రియాద్ ఇంట‌ర్నేష‌న‌ల్ ఎయిర్‌పోర్టుపై శనివారం జరిగిన క్షిపణి దాడుల్లో హైద‌రాబాద్ వాసి మృతి చెందాడు. రియాద్‌లో ఐటీ ఇంజినీర్‌గా స్థిర‌ప‌డ్డ యూసుఫ్ అలీ(45) త‌న కుటుంబ స‌భ్యుల‌తో క‌లిసి మ‌దినా వెళ్లేందుకు ఎయిర్‌పోర్టుకు వ‌చ్చిన స‌మ‌యంలోనే దాడి జ‌రిగింది. ఈ మిస్సైల్ దాడిలో యూసుఫ్‌తో పాటు కుటుంబ స‌భ్యులు తీవ్రంగా గాయ‌ప‌డ్డారు. ఆస్ప‌త్రికి త‌ర‌లించ‌గా యూసుఫ్​కు శస్త్రచికిత్స చేసి రెండు కాళ్లను తొలగించారు. చికిత్స అనంతరం కోలుకుంటాడని భావించారు. కానీ ఆదివారం ఉదయం తీవ్రమైన గుండెపోటు రావటంతో ప్రాణాలు కోల్పోయారు. ఈ విషయాన్ని రియాద్​లో ఉంటున్న యూసుఫ్​ బావమరిది ధ్రువీకరించారు. కామారెడ్డికి చెందిన 36 ఏళ్ల షేక్‌ సయీద్‌ తీవ్రంగా గాయపడ్డాడు. ప్రస్తుతం ఆయన పరిస్థితి అత్యంత విషమంగా ఉన్నట్లు సమాచారం. రియాద్‌లోని కింగ్‌ ఫహద్‌ ఆర్మ్‌డ్‌ ఫోర్సెస్‌ ఆస్పత్రిలో ఆయనకు చికిత్స కొనసాగుతోంది.