HMWSSB | హ‌మ్మ‌య్యా.. ప‌ని చేస్తున్న ‘జ‌ల‌మండ‌లి’ క‌స్ట‌మ‌ర్ కేర్ నంబ‌ర్

HMWSSB | త్రినేత్ర‌.న్యూస్ : ఎట్ట‌కేల‌కు జ‌ల‌మండ‌లి క‌స్ట‌మ‌ర్ కేర్ నంబ‌ర్ ప‌ని చేస్తుంది. గురువారం మ‌ధ్యాహ్నం నుంచి క‌స్ట‌మ‌ర్ కేర్ నంబ‌ర్ అందుబాటులోకి వ‌చ్చిన‌ట్లు హెచ్ఎండ‌బ్ల్యూఎస్ఎస్‌బీ అధికారులు వెల్ల‌డించారు. గురువారం ఉద‌యం నుంచి క‌స్ట‌మ‌ర్ కేర్ నంబ‌ర్ 155313 ప‌ని చేయ‌క‌పోవ‌డంతో న‌గ‌ర వాసులు తీవ్ర ఇబ్బందులు ఎదుర్కొన్నారు. బీఎస్ఎన్ఎల్ టెక్నిక‌ల్ టీమ్‌తో స‌మ‌న్వ‌యం చేసుకుని, త‌లెత్తిన సాంకేతిక స‌మ‌స్య‌ను ప‌రిష్క‌రించిన‌ట్లు పేర్కొన్నారు.

వినియోగ‌దారులు త‌మ అవ‌స‌రాల‌కు అనుగుణంగా నీటి ట్యాంక‌ర్ బుకింగ్ కోసం ప్ర‌త్యామ్నాయ మార్గాలను వినియోగించుకోవాల‌ని జ‌ల‌మండ‌లి అధికారులు సూచించిన సంగ‌తి తెలిసిందే. వినియోగ‌దారుల‌కు క‌లిగిన అసౌక‌ర్యానికి చింతిస్తున్నామ‌ని తెలిపారు. స‌మ‌స్య‌ను వీలైన త్వ‌ర‌గా ప‌రిష్క‌రించి, సేవలను సాధారణ స్థితికి తీసుకువస్తామని వెల్ల‌డించారు. వినియోగదారులు సహకరించాలని కోరారు.