Heavy Rains | హైద‌రాబాద్‌ను ముంచెత్తిన భారీ వ‌ర్షం.. రోడ్ల‌పై బారులు తీరిన వాహ‌నాలు

Heavy Rains | త్రినేత్ర‌.న్యూస్ : రాష్ట్ర రాజ‌ధాని హైద‌రాబాద్ న‌గ‌రంలో మంగ‌ళ‌వారం సాయంత్రం భారీ వ‌ర్షం( Heavy Rains ) కురిసింది. కుండ‌పోత వ‌ర్షానికి న‌గ‌రం అత‌లాకుత‌ల‌మైంది. రోడ్ల‌పై భారీగా వ‌ర‌ద నీరు( Flood Water ) నిలిచిపోయింది. దీంతో ఎక్క‌డిక‌క్క‌డ వాహ‌నాలు నిలిచిపోయాయి. ప‌లు ప్రాంతాల్లో కిలోమీట‌ర్ల ట్రాఫిక్ జామ్ ఏర్ప‌డ‌డంతో ప్ర‌యాణికులు, వాహ‌న‌దారులు తీవ్ర ఇబ్బందులు ఎదుర్కొంటున్నారు. ప‌లు బ‌స్తీల్లోని లోత‌ట్టు ప్రాంతాలు జ‌ల‌మ‌యం అయ్యాయి. విద్యుత్ స‌ర‌ఫ‌రాకు అంత‌రాయం క‌లిగింది. మ‌రో గంట పాటు వ‌ర్షం దంచికొట్టే అవ‌కాశం ఉంద‌ని వాతావ‌ర‌ణ శాఖ అధికారులు వెల్ల‌డించారు.

కుత్బుల్లాపూర్, గాజులరామారం, అల్వాల్, మేడ్చ‌ల్, బాచుప‌ల్లి, హైటెక్ సిటీ, కొండాపూర్, బంజారాహిల్స్, జూబ్లీహిల్స్, బోరబండ‌, అమీర్‌పేట‌, సోమాజిగూడ‌, ఖైర‌తాబాద్, సికింద్రాబాద్, రాంన‌గ‌ర్, తార్నాక‌, హ‌బ్సిగూడ‌, నాచారం, ఎల్‌బీన‌గ‌ర్‌, హ‌య‌త్‌న‌గ‌ర్‌, కోఠి, దిల్‌సుఖ్‌న‌గ‌ర్, మెహిదీప‌ట్నం, గ‌చ్చిబౌలి, జీడిమెట్ల‌, కొంప‌ల్లి, గండి మైస‌మ్మ‌, దుండిగ‌ల్, హ‌కీంపేట్, శామీర్‌పేట‌, బౌరంపేట ఏరియాల్లో వాన దంచికొట్టింది.