Lulu Mall | లులు మాల్‌లో గన్ కలకలం.. యాజ‌మాన్యంపై కేసు

Lulu Mall | త్రినేత్ర‌.న్యూస్‌: హైదరాబాద్‌లోని కూకట్‌పల్లిలో (KPHB) ఉన్న లులు మాల్‌ (Lulu Mall) సెక్యూరిటీ లోపాల‌తో త‌ర‌చూ వార్త‌ల్లో నిలుస్తున్న‌ది. ఎలాంటి అనుమ‌తులు లేకుండా ఇటీవ‌ల ఓ సినిమా పాట విడుద‌ల చేయ‌డం, హీరోయిన్ చూడ‌టానికి అభిమానులు ఒక్క‌సారిగా ఎగ‌బ‌డ‌టంతో ఒక్క‌సారిగా గంద‌ర‌గోళం ఏర్ప‌డింది. దీంతో పోలీసులు ఈవెంట్‌ నిర్వాహ‌కుల‌తోపాటు మాల్ యాజ‌మాన్యంపై కేసు న‌మోదుచేసింది. తాజాగా ఓ వ్య‌క్తి ఏకంగా తుపాకీతో మాల్‌లోకి ప్ర‌వేశించాడు.

మాల్‌లో పార్కింగ్ విష‌యంలో రెండు కుటుంబాల మ‌ధ్య ఘ‌ర్ష‌ణ చోటుచేసుకున్న‌ది. దీంతో స‌మాచారం అందుకున్న పోలీసులు ఘ‌ట‌నా స్థ‌లానికి చేరుకున్నారు. ఈ క్ర‌మంలో పాతబస్తీకి చెందిన సిద్ధిఖీ జేబులో గన్‌ను గుర్తించారు. గన్‌ను (Gun) స్వాధీనం చేసుకున్నారు. లైసెన్స్‌ ఉందని నిర్ధరించారు. అయితే మాల్‌లోకి ప్రవేశించే సమయంలో భద్రతా తనిఖీలు సరిగా నిర్వహించకపోవడంతో లులు మాల్ యాజమాన్యంపై కేసు నమోదు చేసి ద‌ర్యాప్తు చేస్తున్నారు.