HMWSSB | న‌గ‌ర ప్ర‌జ‌ల‌కు శుభ‌వార్త‌.. ఉచిత నీటి స‌ర‌ఫ‌రా ప‌థ‌కం కొన‌సాగింపు

HMWSSB | త్రినేత్ర‌.న్యూస్ : రేవంత్ స‌ర్కార్ హైద‌రాబాద్ న‌గ‌ర ప్ర‌జ‌ల‌కు శుభ‌వార్త వినిపించింది. బీఆర్ఎస్ ప్ర‌భుత్వంలో అమ‌లు చేసిన ఉచిత నీటి స‌ర‌ఫ‌రా ప‌థకాన్ని కొన‌సాగించాల‌ని ప్ర‌భుత్వం కీల‌క నిర్ణ‌యం తీసుకుంది. ప్ర‌తి ఇంటికి నెల‌కు 20 వేల లీట‌ర్ల ఉచిత తాగునీటి ప‌థ‌కానికి ప్ర‌భుత్వం రూ. 75 కోట్లు మంజూరు చేసింది. హెచ్ఎండ‌బ్ల్యూఎస్ఎస్‌బీ రీయింబ‌ర్స్‌మెంట్ కింద రూ. 75 కోట్ల‌కు ప‌రిపాల‌న అనుమ‌తులు ఇచ్చింది. దీంతో న‌గ‌ర ప్ర‌జ‌లు హ‌ర్షం వ్య‌క్తం చేస్తున్నారు.

ఈ ప‌థ‌కాన్ని పొంద‌డం ఎలా..?

నల్లా కనెక్షన్‌కు మీ ఆధార్ నంబర్, కస్టమర్ అకౌంట్ నంబ‌ర్‌ను అనుసంధానించాలి. మురికివాడలు మినహా, మిగిలిన డొమెస్టిక్ వినియోగదారులందరూ విధిగా వాటర్ మీటర్లు బిగించుకోవాలి. నెలకు 20 వేల లీటర్ల వరకు మాత్రమే నీరు ఉచితంగా లభిస్తుంది. ఒకవేళ నీటి వినియోగం ఈ పరిమితిని దాటితే, అదనపు వినియోగానికి ఛార్జీలు చెల్లించాల్సి ఉంటుంది.

ఈ పథకానికి సంబంధించిన పూర్తి వివరాలు, బిల్లుల వివరాలు లేదా ఆధార్ అనుసంధానం కోసం హైదరాబాద్ మెట్రో వాటర్ బోర్డు అధికారిక వెబ్‌సైట్‌లో చూడవచ్చు. లేదా బోర్డు వారి కస్టమర్ కేర్ నంబర్ 155313 కు కాల్ చేయొచ్చు.