Hyderabad | హైద‌రాబాద్‌లో మ‌రో నాలుగు చెరువుల అభివృద్ధి.. 227 కోట్ల‌తో తొలిద‌శ‌ ప‌నులు

Hyderabad | త్రినేత్ర‌.న్యూస్‌: హైద‌రాబాద్‌లోని (Hyderabad) నాలుగు పెద్ద చెరువుల‌ను హుస్సేన్‌సాగ‌ర్‌ను (Hussain Sagar) త‌లపించేలా అభివృద్ధి చేసేందుకు ప్ర‌భుత్వం ఆమోదం తెలిపింది. ఇందులో భాగంగా రూ.227.98 కోట్ల‌కు ప‌రిపాల‌నా అనుమ‌తులు ఇచ్చింది. న‌గ‌రంలోని ఫాక్స్‌సాగర్ (Fox Sagar), అమీన్‌పూర్, అంబీర్ చెరువు (Ambir Cheruvu), సరూర్‌నగర్‌ చెరువుల అభివృద్ధికి ఐఐటీ హైదరాబాద్‌ భాగస్వామ్యంతో హైడ్రా (HYDRAA), హెచ్‌ఎండీఏ అధికారులు రూ.536 కోట్లతో ప్రతిపాదనలు రూపొందించారు. ఈ ప‌నుల‌ను మూడు ద‌శ‌ల్లో పూర్తి చేయనున్నారు.

మొద‌టి ద‌శ‌లో చెరువు కట్టను బలోపేతం చేయడం, రోడ్ల నిర్మాణం, ఇతరత్రా ప్రధాన పనులు, రెండో దశలో పార్కులు, ఇతర అభివృద్ధి పనులు, మూడో దశలో సుందరీకరణ పనులు చేప‌ట్ట‌నున్నారు. దీనిని ప‌రిశీలించిన పుర‌పాల‌క శాఖ తొలి ద‌శ కింద‌ రూ.227 కోట్లకు అనుమ‌తులు ఇచ్చింది. ఈ నిధుల‌ను చెరువుల పునరుద్ధరణ, సమగ్ర అభివృద్ధి పనులకు ఈ నిధులు ఖర్చు చేయనున్నట్లు పేర్కొంది. రూ.74.35 కోట్లతో జీడిమెట్ల ఫాక్స్‌ సాగర్‌, రూ.68 కోట్లతో అమీన్‌పూర్‌ చెరువు (Ameenpur Lake), రూ.35 కోట్లతో అంబీర్‌ చెరువు (భాగ్‌మీర్‌), రూ.50.63 కోట్లతో సరూర్‌నగర్‌ చెరువును (Saroornagar Lake) అభివృద్ధి చేస్తున్నట్లు తెలిపింది. ఇక రెండో దశలో రూ.147.46 కోట్లు, మూడో దశలో సుందరీకరణ పనులకు రూ.161.06 కోట్లు వెచ్చించనున్నారు. అదేవిధంగా ఫాక్స్‌సాగర్‌ ఎగువన 40 ఎకరాల భూములకు సంబంధించిన భూ వినియోగ మార్పిడి ఉత్తర్వులను ప్రభుత్వం రద్దు చేసింది.

Hyderabad's Four Major Lakes Set for a Hussain SagarStyle Makeover. Phase-1 Gets ₹227.98 Cr Approval

▪️ Fox Sagar
▪️ Ameenpur Lake
▪️ Ambir Cheruvu
▪️ Saroornagar Lake

▪️ ₹536 Cr development plan prepared by HYDRAA, HMDA & IIT Hyderabad
▪️ Land use conversion orders for 40… pic.twitter.com/vFPlnsHwCy

— hyderabad updates (@hydinfra) July 14, 2026