Rangareddy | పెట్రోల్ బంక్‌లో ఎగిసిప‌డ్డ అగ్నికీల‌లు.. రాపిడినే కార‌ణ‌మా..?

Rangareddy | త్రినేత్ర‌.న్యూస్ : రంగారెడ్డి జిల్లా షాద్‌న‌గ‌ర్‌లో ఘోర ప్ర‌మాదం జ‌రిగింది. స్థానికంగా ఉన్న ఓ పెట్రోల్ బంకులో అగ్నికీల‌లు ఎగిసిప‌డ్డాయి. అప్ర‌మ‌త్త‌మైన సిబ్బంది మంట‌ల‌ను అదుపు చేసింది.

అయితే పెట్రోల్ పోసిన త‌ర్వాత గ‌న్ తొల‌గించ‌క‌ముందే.. కారు ముందుకు వెళ్ల‌డంతో అగ్నికీల‌లు ఎగిసిప‌డిన‌ట్లు తెలుస్తోంది. ఈ ప్ర‌మాదంలో ఎలాంటి ప్రాణ‌, ఆస్తి న‌ష్టం సంభ‌వించ‌క‌పోవ‌డంతో స్థానికులు ఊపిరి పీల్చుకున్నారు. పెట్రోల్ గ‌న్ రాపిడి, ఎర్తింగ్ కార‌ణంగానే ప్ర‌మాదం జ‌రిగిన‌ట్లు అగ్నిమాప‌క సిబ్బంది పేర్కొంది.