Hit and Run | రైతును ఢీకొట్టిన ఆటో.. ఆగ‌కుండా వెళ్లిపోయిన డ్రైవ‌ర్‌

Hit and Run | త్రినేత్ర‌.న్యూస్‌: హైద‌రాబాద్‌లోని ప‌హాడీష‌రీఫ్‌లో (Pahadi Shareef) దారుణం చోటుచేసుకున్న‌ది. పొలం ప‌నులు ముగించుకుని ఇంటికి వ‌స్తున్న ఓ రైతును ఆటో (Hit and Run) ఢీకొట్టింది. దీంతో అత‌డు మృతిచెందాడు. అంబోజి యాద‌య్య అనే రైతు పొలం ప‌నులు ముగించుకుని ఇంటికి తిరిగి వ‌స్తున్నారు. ఈ క్ర‌మంలో ప‌హాడిష‌రీఫ్ పోలీస్ స్టేష‌న్ ప‌రిధిలోని స‌ర్దార్ న‌గ‌ర్ వ‌ద్ద అత‌డిని ఆటో ఢీకొట్టింది. దీంతో అత‌ని త‌ల‌కు తీవ్ర గాయ‌మైంది.

అయితే ఆటోను ఆప‌కుండానే డ్రైవ‌ర్ అక్క‌డి నుంచి ప‌రార‌య్యాడు. కాగా, గాయ‌ప‌డిన యాద‌య్య‌ను స్థానికులు ద‌వాఖాన‌కు త‌ర‌లించారు. ప‌రిస్థితి విష‌మించ‌డంతో మృతిచెందాడు. ఈ ఘ‌ట‌న‌పై కేసు న‌మోదుచేసిన పోలీసుల ద‌ర్యాప్తు చేస్తున్నారు. సీసీ కెమెరాల ఆధారంగా ప్ర‌మాదానికి కార‌ణ‌మైన ఆటోను గుర్తించేందుకు ప్ర‌య‌త్నిస్తున్నారు.