Veeramachineni Ramakrishna | వీఆర్కే డైట్ సృష్టికర్త.. వీరమాచినేని రామకృష్ణపై క్రిమినల్ కేసు
Veeramachineni Ramakrishna | వీఆర్కే డైట్ (VRK Diet), వీరమాచినేని డైట్ పేరుతో చాలా మందికి సుపరిచితుడైన వీరమాచినేని రామకృష్ణపై (Veeramachineni Ramakrishna) క్రిమినల్ కేసు నమోదైంది.
Veeramachineni Ramakrishna | త్రినేత్ర న్యూస్: వీఆర్కే డైట్ (VRK Diet), వీరమాచినేని డైట్ పేరుతో చాలా మందికి సుపరిచితుడైన వీరమాచినేని రామకృష్ణపై (Veeramachineni Ramakrishna) క్రిమినల్ కేసు నమోదైంది. రామకృష్ణ డైట్ పాటించి అస్వస్థతకు గురైనట్లు హైదరాబాద్లోని రాయదుర్గం పోలీస్స్టేషన్లో ఓ వ్యక్తి ఫిర్యాదు చేశారు. మధుమేహంతో బాధపడుతున్న తనకు.. ఇన్సులిన్ వాడకుండా డైట్ పాటించాలని సూచించారని.. అయితే, డైట్ తీసుకున్న రెండు రోజుల్లోనే తీవ్ర అనార్యోగానికి గురైనట్లు అందులో పేర్కొన్నారు. దీంతో రామకృష్ణతోపాటు డాక్టర్ కోటేశ్వరరావుపై సైబరాబాద్ పోలీసులు ఫేక్ డాక్టర్, మోసం ఆరోపణలపై కేసు నమోదుచేశారు.
నిర్మల్ (Nirmal) జిల్లాకు చెందిన 30 ఏండ్ల న్యాయ విద్యార్థి (Law Student).. టైప్-1 డయాబెటిస్తో బాధపడుతూ ఇన్సులిన్ తీసుకుంటున్నారు. సామాజిక మాధ్యామాల్లో వీఆర్కే డైట్తో మధుమేహాన్ని నయం చేస్తామనే ప్రకటన చూసి సంప్రదించారు. రూ.26 వేలు చెల్లించిన అతడు.. వీఆర్కే చెప్పిన డైట్ను ఈ నెల 12న ప్రారంభించారు. అయితే ఈ నెల 14న తీవ్ర డీహైడ్రేషన్కు (Dehydration) గురవడంతో కుటుంబ సభ్యులు ఓ దవాఖానలో చేర్చారు. అక్కడ చికిత్స నిమిత్తం రూ.58 వేలకుపైగా బిల్ అయింది. దీంతో బాధితుడు ఈ నెల రాయదుర్గం పోలీసులకు ఫిర్యాదు చేశారు.
వీఆర్కే డైట్తో టైప్-1 డయాబెటిస్ (Diabetes) నయం అవుతుందని ప్రచారం చేశారని, ఇన్సులిన్ తీసుకోవడం ఆపాలని తనకు సూచించినట్లు ఫిర్యాదులో పేర్కొన్నారు. ఇన్సులిన్ (Insulin) ఆపిన రెండు రోజులకే తీవ్ర అనారోగ్యానికి గురయ్యానని, డయాబెటిక్ కీటో ఆసిడోసిస్, తీవ్రమైన డీహైడ్రేషన్తో దవాఖానలో చేరాల్సి వచ్చిందని తెలిపారు. సప్లిమెంట్లు, ఇతర సేవల కోసం రూ.26 వేల చెల్లించినట్లు చెప్పారు. దీంతో మోసం, ప్రాణాలకు ముప్పు కలిగించడం, క్రిమినల్ కుట్ర తదితర సెక్షన్ల కింద పోలీసులు కేసు నమోదు చేశారు. అదేవిధంగా నేషనల్ మెడికల్ కమిషన్ యాక్ట్, డ్రగ్స్ అండ్ మ్యాజిక్ రెమెడీస్ యాక్ట్ కింద కూడా కేసు ఫైల్ చేశారు. కాగా, తనకు పరిహారం చెల్లించాలంటూ బాధితుడు నాంపల్లి వినియోగదారుల కోర్టును కూడా ఆశ్రయించారు.
ట్యాగ్స్:
సంబంధిత వార్తలు
తాజావార్తలు
- ●Damodar Raja Narasimha | ఐవీఎఫ్ ద్వారా ట్రిప్లెట్స్ జననం.. గాంధీ వైద్యులకు మంత్రి దామోదర అభినందనలు
- ●Rashmika Mandanna | గర్ల్ఫ్రెండ్ కాంబో రిపీట్ - దర్శకుడికి ఇచ్చిన మాట నిలబెట్టుకున్న రష్మిక
- ●Ponnam Prabhakar | వేగంగా తెలంగాణ ఉద్యమకారుల గుర్తింపు ప్రక్రియ: పొన్నం ప్రభాకర్
- ●Kavya Maran | సన్ గ్రూప్ ఉద్యోగులకు గోల్డ్ రింగ్స్ను గిఫ్ట్గా ఇచ్చిన కావ్య మారన్
- ●IRCTC Tour | చలికాలంలో రూ.14 వేలకే ఊటీ టూర్.. హైదరాబాద్ నుంచి ఐఆర్సీటీసీ స్పెషల్ ప్యాకేజీ
- ●MLA Sudarshan Reddy | వచ్చే ఎన్నికల్లో పోటీకి దూరంగా ఉంటా.. కాంగ్రెస్ ఎమ్మెల్యే కీలక వ్యాఖ్యలు

Damodar Raja Narasimha | ఐవీఎఫ్ ద్వారా ట్రిప్లెట్స్ జననం.. గాంధీ వైద్యులకు మంత్రి దామోదర అభినందనలు

Rashmika Mandanna | గర్ల్ఫ్రెండ్ కాంబో రిపీట్ - దర్శకుడికి ఇచ్చిన మాట నిలబెట్టుకున్న రష్మిక

Ponnam Prabhakar | వేగంగా తెలంగాణ ఉద్యమకారుల గుర్తింపు ప్రక్రియ: పొన్నం ప్రభాకర్

Kavya Maran | సన్ గ్రూప్ ఉద్యోగులకు గోల్డ్ రింగ్స్ను గిఫ్ట్గా ఇచ్చిన కావ్య మారన్






