Food Delivery | ఫుడ్ డెలివ‌రీ ఆల‌స్య‌మైంద‌ని.. డెలివ‌రీ బాయ్‌పై దంప‌తుల దాడి.. వీడియో

Food Delivery | త్రినేత్ర న్యూస్ : ఇటీవ‌లి కాలంలో చాలా మంది త‌మ‌కు కావాల్సిన వ‌స్తువుల‌ను ఆన్‌లైన్‌లో ఆర్డ‌ర్ చేసుకుంటున్నారు. అయితే ఓ ఇద్ద‌రు దంప‌తులు కూడా త‌మ‌కు కావాల్సిన ఫుడ్‌ను జొమాటోలో ఆర్డ‌ర్ పెట్టారు. ఆ ఆర్డ‌ర్ కాస్త ఆల‌స్య‌మైంది. ఇంకేముంది.. డెలివ‌రీ బాయ్‌పై దంప‌తులిద్ద‌రూ విచక్ష‌ణార‌హితంగా దాడికి పాల్ప‌డ్డారు. ఈ సంఘ‌ట‌న జ‌రిగింది ఎక్క‌డో కాదు.. సికింద్రాబాద్ కంటోన్మెంట్ ప‌రిధిలోనే.

కంటోన్మెంట్ వాస‌విన‌గ‌ర్‌లోని ఓ అపార్ట్‌మెంట్‌లో నివాస‌ముంటున్న ఓ ఇద్ద‌రు దంప‌తులు శ‌నివారం సాయంత్రం జొమాటోలో ఫుడ్ ఆర్డ‌ర్ పెట్టారు. అయితే వారు పెట్టిన ఆర్డ‌ర్ అనుకున్న స‌మ‌యానికి డెలివ‌రీ కాలేదు. కాస్త ఆల‌స్య‌మైంది. మొత్తానికి డెలివ‌రీ బాయ్ రానే వ‌చ్చాడు. అత‌న్ని చూడ‌గానే దంప‌తులు ఉడికిపోయారు. క‌ర్ర తీసుకుని డెలివ‌రీ బాయ్‌పై దాడి చేశారు దంప‌తులు. ఆర్డ‌ర్ ఎందుకు ఆల‌స్య‌మైంద‌ని నిల‌దీస్తూ కోపంతో ఊగిపోయారు. లొకేష‌న్ త‌ప్పుగా చూపించ‌డంతోనే ఫుడ్ ఆర్డ‌ర్ ఆల‌స్య‌మైంద‌ని చెప్పినా ఆ దంప‌తులు వినిపించుకోలేదు. ఈ దాడికి సంబంధించిన దృశ్యాలు అక్కడున్న సీసీటీవీ కెమెరాల్లో రికార్డు అయ్యాయి. ఈ ఘ‌ట‌న శ‌నివారం సాయంత్రం 5:08 గంట‌ల‌కు చోటు చేసుకుంది. బాధితుడి ఫిర్యాదు మేర‌కు పోలీసులు కేసు న‌మోదు చేసుకుని ద‌ర్యాప్తు చేప‌ట్టారు.

సీసీటీవీ ఫుటేజ్..!

ఫుడ్ డెలివరీ ఆలస్యమైందని డెలివరీ బాయ్‌పై దంపతుల దాడి

సికింద్రాబాద్‌లోని కంటోన్మెంట్ వాసవినగర్‌లో ఘటన

లొకేషన్ తప్పుగా చూపించడంతో ఫుడ్ ఆర్డర్ లేట్ అయిందని జొమాటో డెలివరీ బాయ్ ఆశిపై దంపతులు దాడి

ఘటనపై కేసు నమోదు చేసి దర్యాప్తు చేస్తున్న పోలీసులు https://t.co/sxvknxSfsI

— Telugu Scribe (@TeluguScribe) October 4, 2026