CJP | రేపు ఇందిరాపార్క్ వ‌ద్ద కాక్రోచ్ జనతా పార్టీ ఆందోళన.. అనుమతించిన పోలీసులు

CJP | త్రినేత్ర‌.న్యూస్‌: సోషల్ మీడియా సంచలనం కాక్రోచ్ జనతా పార్టీ (CJP) దేశ వ్యాప్తంగా నిరసనలకు సిద్ధ‌మ‌వుతున్న‌ది. ఇప్పటికే ఢిల్లీ, లక్నో తదితర ప‌ట్ట‌ణాల్లో ఆందోళనలు చేపట్టిన సీజేపీ.. హైదరాబాద్‌లోనూ నిర‌స‌న కార్య‌క్ర‌మానికి పిలుపునిచ్చింది. ఇందిరాపార్క్ (Indira Park) దీనికి వేదిక కానుంది. ఆదివారం (జూన్ 14) నిర్వహించనున్న ఈ ఆందోళనకు పోలీసులు అనుమతి కూడా ఇచ్చారు. ఈ కార్య‌క్ర‌మంలో సీజేపీ వ్య‌వ‌స్థాప‌కుడు లభించింది.అభిజీత్ దిప్కేతో పాటు సామాజిక ఉద్య‌మ‌కారులు సోనమ్ వాంగ్‌చుక్, సామాజిక కార్య‌క‌ర్త‌లు విజయ్ మల్లాంగి, రుచిత్ ఆశాకమల్‌, పెద్ద సంఖ్య‌లో విద్యార్థులు పాల్గొన‌నున్నారు.

ఆదివారం ఉద‌యం 10 గంట‌ల నుంచి మ‌ధ్యాహ్నం 12.30 వ‌ర‌కు ఇందిరాపార్క్ వ‌ద్ద ఉన్న ధ‌ర్నా చౌక్‌లో ఈ కార్య‌క్ర‌మం జ‌రుగ‌నుంది. దేశవ్యాప్తంగా పరీక్షల నిర్వహణలో జరుగుతున్న లోపాలు, అక్రమాలకు వ్యతిరేకంగా ఈ నిరసన చేపట్టనున్నారు. పరీక్షల నిర్వహణలో వైఫల్యాలకు బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ తక్షణమే రాజీనామా చేయాల‌ని, కాంపిటేటివ్ పరీక్షల్లో ప్రశ్నపత్రాల లీకేజీలను పూర్తిగా అరికట్టాలని, ప్రవేశ పరీక్షలు, ప్రభుత్వ ఉద్యోగ నియామకాల్లో పారదర్శకతను పెంచాల‌ని, ఫలితాలను సకాలంలో విడుదల చేయాల‌ని డిమాండ్ చేస్తున్నారు. అదేవిధంగా విద్యార్థులు, నిరుద్యోగుల సమస్యల పరిష్కారం కోసం నిర్దిష్ట విద్యా మేనిఫెస్టోను అమలు చేయాల‌ని తెలిపారు.