Car Catches Fire | హస్తినాపురం చౌర‌స్తాలో నిలిపి ఉన్న కారు దగ్ధం..

Car Catches Fire | త్రినేత్ర న్యూస్‌: రంగారెడ్డి జిల్లా హస్తినాపురం చౌరస్తాలో నిలిపి ఉన్న కారులో మంట‌లు చెల‌రేగి పూర్తిగా (Car Catches Fire) ద‌గ్ధ‌మైంది. గురువారం తెల్లవారుజామున చౌర‌స్తాలో నిలిపి ఉన్న షిఫ్ట్ కారులో ఒక్కసారిగా మంటలు చెలరేగాయి. క్ష‌ణాల్లో మంట‌లు కారు మొత్తానికి వ్యాపించాయి. గ‌మ‌నించిన స్థానికులు పోలీసులతోపాటు అగ్నిమాపక సిబ్బందికి సమాచారం అందించారు. అయితే అగ్నిమాపక సిబ్బంది ఘ‌ట‌నా స్థ‌లానికి చేరుకునేలోపే కారు పూర్తిగా దగ్ధమైంది. ప్ర‌మాదానికి గ‌ల కార‌ణాలు ఇంకా తెలియరాలేదు.

ఘ‌ట‌న‌పై కేసు న‌మోదుచేసిన‌ పోలీసులు దర్యాప్తు ప్రారంభించారు. ఎవరైనా ఆకతాయిల కావాల‌నే కారుకు నిప్పంటించారా? లేదా ప్రమాదవశాత్తు మంట‌లు అంటుకున్నాయా? అనే కోణంలో పోలీసులు దర్యాప్తు చేపట్టారు. హ‌స్తినాపురం (Hastinapuram) కూడ‌లిలో సీసీటీవీ ఫుటేజీల‌కు ప‌రిశీలిస్తున్నారు. కారు నంబరు ఆధారంగా పోలీసులు వివరాలు సేకరిస్తున్నారు.