AR Constable | అంబ‌ర్‌పేట‌లో ఏఆర్ కానిస్టేబుల్ ఆత్మ‌హ‌త్య‌

AR Constable | త్రినేత్ర‌.న్యూస్‌: ప్రేమ విఫ‌ల‌మ‌వ‌డంతో ఓ ఏఆర్ కానిస్టేబుల్ (AR Constable) ఆత్మ‌హ‌త్య చేసుకున్నారు. తాను చ‌నిపోతున్న‌ట్లు స్నేహితుల‌కు వాట్సాప్ (Whatsapp Message) ద్వారా స‌మాచ‌రం అందించారు. ఈ ఘ‌ట‌న హైద‌రాబాద్‌లోని అంబ‌ర్‌పేట (Amberpet) తిరుమ‌ల‌న‌గ‌ర్‌లో జ‌ర‌గింది.

తిరుమ‌ల‌న‌గ‌ర్‌కు చెందిన నిభాష్ (25) పెట్ల‌బుర్జు (Petlaburj) పోలీస్‌స్టేష‌న్‌లో ఏఆర్ కానిస్టేబుల్‌గా ప‌నిచేస్తున్నారు. అత‌డు కొంత‌కాలంగా ఓ యువ‌తిని ప్రేమిస్తున్నారు. ఇద్ద‌రి పెండ్లికి ఆమె కుటుంబ స‌భ్యులు నిరాక‌రించారు. దీంతో మ‌న‌స్థాపానికి గురైన అత‌డు ఇంట్లో ఫ్యాన్‌కు చీర‌తో ఉరివేసుకుని బ‌ల‌వ‌న్మ‌ర‌ణానికి పాల్ప‌డ్డారు. అయితే తాను చ‌నిపోతున్నానంటూ ఆత్మహత్యకు ముందు స్నేహితులకు వాట్సాప్ ద్వారా నిభాష్ (nibhash) సమాచారం అందించారు. అప్రమత్తమైన స్నేహితులు విషయాన్ని పోలీసులకు తెలియజేశారు. వారు ఘటనా స్థలానికి చేరుకునేలోపే కానిస్టేబుల్ ప్రాణాలు వ‌దిలారు. కుటుంబ సభ్యుల ఫిర్యాదు మేరకు ఈ ఘ‌ట‌న‌పై కేసు నమోదు చేసి దర్యాప్తు చేస్తున్నారు.