Hyderabad | ఇన్‌స్టాలో ప‌రిచ‌యం.. ఇంటికొచ్చి లైంగిక‌దాడి

Hyderabad | త్రినేత్ర‌.న్యూస్ : ఇన్‌స్టాగ్రామ్‌లో ప‌రిచ‌యమైన ఓ బాలిక‌పై అఘాయిత్యానికి పాల్ప‌డ్డాడు. ఈ దారుణ ఘ‌ట‌న హైద‌రాబాద్‌( Hyderabad )లోని బోర‌బండ ఏరియాలో వెలుగు చూసింది.

ఆంధ్ర‌ప్ర‌దేశ్‌లోని అమ‌లాపురం ఏరియాకు చెంది విన‌య్.. హైద‌రాబాద్ న‌గ‌రంలో నివాస‌ముంటున్నాడు. బోర‌బండ‌కు చెందిన ఓ 17 ఏళ్ల బాలిక‌తో వినయ్‌(19) కు ఇన్‌స్టాలో ప‌రిచ‌యం ఏర్ప‌డింది. ఆ ప‌రిచ‌యం కాస్త ప్రేమ‌గా మారింది.. పెళ్లి చేసుకుంటాన‌ని న‌మ్మించాడు.

ఇక ఇంట్లో ఎవ‌రూ లేని స‌మ‌యంలో బాలిక ఇంటికి విన‌య్ వ‌చ్చాడు. జూన్ నెల‌లోనే రెండు సార్లు ఆమెపై లైంగిక‌దాడికి పాల్ప‌డ్డాడు. ఇప్పుడు పెళ్లికి నిరాక‌రించ‌డంతో.. బాధితురాలు పోలీసుల‌ను ఆశ్ర‌యించింది. కేసు న‌మోదు చేసుకున్న బోర‌బండ పోలీసులు ద‌ర్యాప్తు చేప‌ట్టారు.