Telugu Serial | జీ తెలుగులో మ‌రో కొత్త సీరియ‌ల్ – ఈ వీక్‌లోనే ప్రారంభం – టైటిల్ ఇదే

Telugu Serial |  జీ తెలుగులో మ‌రో కొత్త సీరియ‌ల్ (Telugu Serial | )ప్రారంభం కాబోతుంది. ఈ సీరియ‌ల్ టైటిల్‌తో పాటు టెలికాస్ట్ టైమ్ వివ‌రాల‌ను జీ తెలుగు (Zee Telugu) రివీల్ చేసింది. ఈ వారంలోనే బుల్లితెర ప్రేక్ష‌కుల ముందుకు రాబోతుంది. ఈ సీరియ‌ల్‌కు కొంగు బంగారం అనే పేరును ఖ‌రారు చేశారు. జ‌న‌వ‌రి 26 నుంచి టెలికాస్ట్ కాబోతుంది. సోమ‌వారం నుంచి శ‌నివారం వ‌ర‌కు ప్ర‌తిరోజు మ‌ధ్యాహ్నం మూడున్న‌ర గంట‌ల‌కు ఈ సీరియ‌ల్ ప్ర‌సార‌మ‌వుతుంద‌ని జీ తెలుగు ప్ర‌క‌టించింది.
కొంగు బంగారం సీరియ‌ల్‌లో సీనియ‌ర్ యాక్ట‌ర్స్ హ‌రిత‌, జాకీ లీడ్ రోల్స్‌లో న‌టిస్తున్నారు. జై శ్రీనివాస్‌కుమార్‌, శ్వేత‌, మ‌ధుమిత కీల‌క పాత్ర‌లు పోషించ‌నున్నారు. త‌మిళంలో సూప‌ర్ హిట్ అయిన వారిసుకు రీమేక్‌గా కొంగు బంగారం రూపొందుతోంది.

బుల్లితెర‌కు గ్యాప్‌...

గత కొన్నేళ్లుగా బుల్లితెర‌కు గ్యాప్ ఇచ్చింది హ‌రిత‌. ఈ సీరియ‌ల్‌తో మ‌ళ్లీ రీఎంట్రీ ఇవ్వ‌బోతుంది. ప్ర‌స్తుతం జీ తెలుగులో మ‌ధ్యాహ్నం మూడున్న‌ర‌కు ప్రేమ యుద్ధం టెలికాస్ట్ అవుతోంది. ఈ సీరియ‌ల్ స్థానంలో కొంగు బంగారం లాంఛ్ కానుంది. ప్రేమ యుద్ధం టైమ్‌ను ఛేంజ్ చేశారు.

సూప‌ర్ హిట్ సీరియ‌ల్స్‌...

తెలుగులో కుంకుమ‌పువ్వు, క‌ళ్యాణం క‌మ‌నీయం, ముద్ద మందారం, సావిత్ర‌మ్మ గారి అబ్బాయి, మ‌న‌సు మ‌మ‌త‌తో పాటు ప‌లు సూప‌ర్ హిట్ సీరియ‌ల్స్ చేసింది హ‌రిత‌. రియ‌ల్ లైఫ్‌లో భార్యాభ‌ర్త‌లైన హ‌రిత‌, జాకీ ఈ సీరియ‌ల్‌లో అవే పాత్ర‌ల్లో క‌నిపించ‌బోతున్నారు. జాకీ కూడా తెలుగులో ప‌లు సీరియ‌ల్స్‌, సినిమాల్లో న‌టించారు.