Wamiqa Gabbi | “డీసీ”తో మారిన జాతకం – నందమూరి హీరో సరసన వామికా గబ్బి

Wamiqa Gabbi | లోకేష్ క‌న‌గ‌రాజ్ "డీసీ" మూవీ వామికా గ‌బ్బి జాత‌కాన్ని మార్చేసింది. ఈ బ్లాక్‌బ‌స్ట‌ర్‌కు ముందు తెలుగు, త‌మిళ భాష‌ల్లో ఎక్కువ‌గా చిన్న సినిమాలు చేసింది. "డీసీ"తో ఇప్పుడు ద‌క్షిణాదిలో స్టార్ హీరోల సినిమాల‌కు కేరాఫ్ అడ్ర‌స్‌గా మారిపోయింది. లోకేష్ క‌న‌గ‌రాజ్ హీరోగా యాక్ష‌న్ ల‌వ్‌స్టోరీగా తెర‌కెక్కిన "డీసీ"లో వేశ్య పాత్ర‌లో వామికా గ‌బ్బి అస‌మాన న‌ట‌న‌ను క‌న‌బ‌రిచింది. ఈ బాలీవుడ్ బ్యూటీ న‌టన‌కు సినీ వ‌ర్గాల‌తో పాటు ఆడియెన్స్ సైతం ఫిదా అయ్యారు.

గూఢ‌చారి 2...

"డీసీ" త‌ర్వాత తెలుగు, త‌మిళ భాష‌ల్లో వామికా గ‌బ్బి క్రేజీ ఆఫ‌ర్లు అందుకుంటోంది. ప్ర‌స్తుతం అడివి శేష్ గూఢ‌చారి 2లో యాక్ష‌న్ ప్ర‌ధాన పాత్ర‌లో క‌నిపించ‌బోతుంది. తాజాగా మ‌రో ల‌క్కీ ఛాన్స్ కొట్టేసింది. నంద‌మూరి హీరోతో రొమాన్స్ చేయ‌బోతుంది.

ప్ర‌యోగాత్మ‌క క‌థాంశంతో...

ప్ర‌స్తుతం "జ‌న‌వ‌రి 12 విడుద‌ల" మూవీ షూటింగ్‌తో బిజీగా ఉన్న క‌ళ్యాణ్ రామ్ త‌న త‌దుప‌రి సినిమాను కొత్త డైరెక్ట‌ర్‌తో చేయ‌బోతున్నాడు. ప్ర‌యోగాత్మ‌క క‌థాంశంతో ఇంటెన్స్ థ్రిల్ల‌ర్‌గా తెర‌కెక్కుతోన్నఈ సినిమాలో క‌ళ్యాణ్ రామ్‌కు జోడీగా వామికా గ‌బ్బి హీరోయిన్‌గా ఎంపికైంది. ఇందులో రా అండ్ ర‌స్టిక్ రోల్‌లో ఈ బాలీవుడ్ హాట్‌బ్యూటీ క‌నిపించ‌బోతున్న‌ట్లు స‌మాచారం.

డిసెంబ‌ర్‌లో...

డిసెంబ‌ర్‌లో క‌ళ్యాణ్ రామ్ సినిమాపై అఫీషియ‌ల్ అనౌన్స్‌మెంట్ రానుంది. వ‌చ్చే ఏడాది నుంచి రెగ్యుల‌ర్ షూటింగ్ మొద‌లుకానున్న‌ట్లు తెలిసింది. 2015లో రిలీజైన భ‌లే మంచి రోజుతో హీరోయిన్‌గా తెలుగు సినీ ప‌రిశ్ర‌మ‌కు ప‌రిచ‌య‌మైంది వామికా గ‌బ్బి. ఈ సినిమా హిట్టైనా టాలీవుడ్ లో మాత్రం మ‌ళ్లీ అవ‌కాశాలు రాలేదు. దాదాపు ప‌దేళ్ల త‌ర్వాత గూఢ‌చారి 2తో పాటు క‌ళ్యాణ్ రామ్ సినిమాల‌తో క‌మ్‌బ్యాక్ ఇవ్వ‌బోతుంది. తెలుగులోనే కాకుండా హిందీ, త‌మిళం, పంజాబీ, మ‌ల‌యాళ భాష‌ల్లో కలిపి ప్రస్తుతం అరడజనుకుపైగా సినిమాలు చేస్తోంది వామికా గబ్బి.