Rashmika Mandanna | స‌ద్దుల బ‌తుక‌మ్మ సంబ‌రాల్లో విరోష్ జోడీ – ర‌ష్మిక‌కు డిప్యూటీ సీఎం దంప‌తుల కానుక‌

Rashmika Mandanna |  స‌ద్దుల బ‌తుక‌మ్మ సంబ‌రాల్లో విజ‌య్ దేవ‌ర‌కొండ‌, ర‌ష్మిక మంద‌న్న సంద‌డి చేయ‌బోతున్నారు. తెలంగాణ ప్ర‌భుత్వం ఆధ్వ‌ర్యంలో స‌ద్దుల బ‌తుక‌మ్మ వేడుక‌లు హైద‌రాబాద్‌లోని ట్యాంక్‌బండ్ వ‌ద్ద ఆదివారం జ‌రుగ‌నున్నాయి. ఈ వేడుక‌ల‌ను ప్ర‌తిష్టాత్మ‌కంగా తీసుకున్న ప్ర‌భుత్వం భారీగా ఏర్పాట్లు చేస్తోంది. ట్యాంక్‌బండ్ తీరాన్ని స‌ర్వాంగ సుంద‌రంగా తీర్చిదిద్దుతోంది. కాగా ఈ స‌ద్దుల బ‌తుక‌మ్మ ఉత్స‌వంలో విజ‌య్ దేవ‌ర‌కొండ‌, ర‌ష్మిక మంద‌న్న పాల్గొన‌బోతున్నారు. విరోష్ జోడీ ఈ వేడుక‌ల‌కు స్పెష‌ల్ అట్రాక్ష‌న్‌గా నిల‌వ‌నున్నారు.
తెలంగాణ ఆడ‌ప‌డుచుల‌తో క‌లిసి ర‌ష్మిక మంద‌న్న బ‌తుక‌మ్మ ఆడ‌బోతున్న‌ట్లు స‌మాచారం.

ప్ర‌త్యేక ఏర్పాట్లు...

స‌ద్దుల బ‌తుక‌మ్మ సంద‌ర్భంగా ప్ర‌త్యేకంగా లేజ‌ర్ షోతో పాటు ఏడు వంద‌ల మంది జాన‌ప‌ద క‌ళాకారుల‌తో సాంస్కృతిక ప్ర‌ద‌ర్శ‌న‌ల‌ను ప్ర‌భుత్వం నిర్వ‌హించ‌బోతున్న‌ట్లు చెబుతోన్నారు.

బ‌తుక‌మ్మ చీర‌...

పెళ్లి త‌ర్వాత తొలి ద‌స‌రాను తెలంగాణ‌లో జ‌రుపుకుంటున్న ర‌ష్మిక మంద‌న్న‌కు డిప్యూటీ సీఎం మ‌ల్లు భ‌ట్టి విక్ర‌మార్క దంప‌తులు బ‌తుక‌మ్మ చీర‌ను బ‌హుక‌రించారు. శ‌నివారం డిప్యూటీ సీఎం మ‌ల్లు భ‌ట్టి విక్ర‌మార్కను ఆయ‌న నివాసంలో విజ‌య్, ర‌ష్మిక క‌లిశారు. ఈ సంద‌ర్భంగా ర‌ష్మిక‌కు డిప్యూటీ సీఎం దంపతులు బ‌తుక‌మ్మ చీర‌ను కానుక‌గా అంద‌జేశారు. ఇందుకు సంబంధించిన ఫొటోలు సోష‌ల్ మీడియాలో వైర‌ల్ అవుతోన్నాయి.