Rashmika Mandanna | పెళ్లి కూతురిలా ర‌ష్మిక మంద‌న్న – ర‌ణ‌బాలి పోస్ట్‌పోన్ రూమ‌ర్ల‌పై క్లారిటీ

Rashmika Mandanna |  పెళ్లి త‌ర్వాత విజ‌య్ దేవ‌ర‌కొండ‌, ర‌ష్మిక మంద‌న్న జంట‌గా న‌టిస్తోన్న ర‌ణ‌బాలి మూవీ వాయిదాప‌డ‌నున్న‌ట్లు కొద్ది రోజులుగా ప్ర‌చారం జ‌రుగుతోంది. షూటింగ్, పోస్ట్ ప్రొడ‌క్ష‌న్ ప‌నులు ఆల‌స్యం కార‌ణంగా సెప్టెంబ‌ర్ 11న ఈ సినిమా ప్రేక్ష‌కుల ముందుకు రావ‌డం అనుమాన‌మేన‌ని అంటున్నారు. విజ‌య్ దేవ‌ర‌కొండ వెన‌క్కి త‌గ్గ‌డంతో అదే డేట్‌కు అత‌డి త‌మ్ముడు ఆనంద్ దేవ‌ర‌కొండ హీరోగా న‌టించిన ఎపిక్ మూవీ థియేట‌ర్ల‌లోకి వ‌చ్చే అవ‌కాశం ఉంద‌ని చెబుతున్నారు.

పోస్ట్‌పోన్ రూమ‌ర్లు....

ఈ పోస్ట్‌పోన్ రూమ‌ర్ల‌పై మేక‌ర్స్ ర‌ష్మిక మంద‌న్న పోస్ట‌ర్ ద్వారా క్లారిటీ ఇచ్చారు. ఇందులో పెళ్లి కూతురిలా రెడీ అయ్యి ర‌ష్మిక మంద‌న్న క‌నిపిస్తోంది. నుదిట‌న బాసింగం, పాపిడి బిళ్ల‌, ముక్కుపుడ‌క ధ‌రించి ట్రెడిష‌న‌ల్ లుక్‌లో ఆక‌ట్టుకుంటుంది. ఈ పోస్ట‌ర్‌లో ర‌ష్మిక మంద‌న్న‌తో పాటు విజ‌య్ దేవ‌ర‌కొండ కూడా క‌నిపిస్తున్నాడు. సిక్స్‌ప్యాక్‌లో యోధుడిగా ద‌ర్శ‌న‌మిచ్చాడు. ర‌ణ‌బాలి కొత్త పోస్ట‌ర్ సోష‌ల్ మీడియాలో వైర‌ల్ అవుతోంది.

నో ఛేంజ్‌...

ఈ పోస్ట‌ర్ ద్వారా ర‌ణ‌బాలి పోస్ట్‌పోన్ రూమ‌ర్ల‌ను మేక‌ర్స్ కొట్టిప‌డేశారు. సెప్టెంబ‌ర్ 11నే ఈ సినిమా ప్రేక్ష‌కుల ముందుకు రానున్న‌ట్లు ప్ర‌క‌టించారు. రిలీజ్ డేట్‌లో ఎలాంటి మార్పు లేద‌ని హింట్ ఇచ్చారు.
ర‌ణ‌బాలి మూవీకి రాహుల్ సాంకృత్యాన్ ద‌ర్శ‌క‌త్వం వ‌హిస్తున్నారు. హిస్టారిక‌ల్ యాక్ష‌న్ ఎంట‌ర్‌టైన‌ర్‌గా తెర‌కెక్కుతోన్న ఈ మూవీలో హాలీవుడ్ న‌టుడు ఆర్నాల్ వోస్లో ఓ కీల‌క పాత్ర‌లో న‌టిస్తున్నారు. బ్రిటీష‌ర్ల‌ను ఎదురించి పోరాడిన రాయ‌ల‌సీమ‌కు చెందిన ర‌ణ‌బాలి అనే వీరుడిగా విజ‌య్ న‌టిస్తోండ‌గా....అత‌డి భార్య జ‌య‌మ్మ పాత్ర‌లో ర‌ష్మిక క‌నిపించ‌బోతుంది.

ఐదు భాష‌ల్లో రిలీజ్‌....

ర‌ణ‌బాలి సినిమాను ఐదు భాష‌ల్లో రిలీజ్ చేయ‌బోతున్నారు. ఈ సినిమాతో బాలీవుడ్ మ్యూజిక్ డైరెక్ట‌ర్లు అజ‌య్ - అతుల్ టాలీవుడ్‌లోకి ఎంట్రీ ఇస్తున్నారు. ర‌ణ‌బాలి మూవీని మైత్రీ మూవీ మేక‌ర్స్ నిర్మిస్తోంది.
ర‌ణ‌బాలితో పాటు ప్ర‌స్తుతం తెలుగులో రౌడీ జ‌నార్ధ‌న సినిమా చేస్తోన్నాడు విజ‌య్‌. ర‌వి కిర‌ణ్ కోలా ద‌ర్శ‌క‌త్వం వ‌హిస్తున్న ఈ మూవీ డిసెంబ‌ర్‌లో థియేట‌ర్ల‌లోకి రాబోతుంది.

 

Read More....

https://www.trinethra.news/entertainment/sreeleela-nithiin-set-for-third-collaboration-in-upcoming-telugu-film-62329.html